Tlhahisoleseding e Nngwe

JOBO 25

₁Jwale Biledade ya tswang Shua a araba, a re:

₂“Puso le tshabo di tswa ho Modimo,

ke mothei wa kgotso

mahodimong a hae a hodimo.

₃Na mabotho a hae a ka balwa?

Ke ofe ya sa tjhabelweng

ke sedi la hae?

₄Motho a ka lokafatswa jwang

mahlong a Modimo?

Ya tswetsweng ke mosadi

a ka hlweka jwang?

₅Haesita mahlong a hae

kgwedi e se na kganya,

naledi le tsona

di se na bohlweki,

₆motho a ka loka jwang,

yena e le popane,

ya tswetsweng ke motho,

yena e le seboko!”