JEREMIA 47

“Metsi ke ao,

a phorosela ho tswa leboya,

a tla ka sekgahla

se kang sa sekgohola,

a tla aparela naha

le tsohle tse ho yona,

a aparele metse

le baahi ba yona bohle.

Banna ba tla tshoha

ba hlabe mokgosi,

baahi bohle ba naha

bona ba bokolle,

₃ha ho utlwahala

modumo wa ditlhako,

wa ditlhako tsa dipere tsa hae,

ho utlwahala lekgarakgara,

lekgarakgara la kariki

tsa hae tsa ntwa,

ho utlwahala le modumo

wa mabidi a tsona,

bo-ntata ha ba sa tla natsa

le bana ba bona,

hobane matsoho a bona

a tla be a fokola.

₄Tsatsi le fihlile,

tsatsi la ho timetsa Bafilesita,

basireletsi ba Tire le Sidone

ba tla fediswa,

hobane Morena

o tla timetsa Bafilesita,

masalla a sehlekehleke sa Kafatore.

₅Gasa e tla ba bofifing,

e beole hlooho,

Ashekelone yona e tla ripitlwa.

Lona masalla a tjhaba sa Baanake,

le tla itlhokofatsa,

le lle ho fihlela neng?

₆Wena sabole ya Morena,

o tla phomola neng?

Boela selateng sa hao,

o phomole, o ikgutsetse.

₇E ka kgutsa jwang,

Morena a e neile taelo,

taelo ya ho futuhela Ashekelone,

ya ho futuhela naha

tse bopong la lewatle?

Ke hona moo Morena

a e laoletseng teng.”