Morena ke khosi e fenyang
1Morena ke khosi;
lefatše le ke le nyakalle,
lihlekehleke tse ngata
li ke li thabe.
2Maru a matšo-matšo
a mo teetse hare,
ho loka le toka ke mothèo,
ke mothèo oa terone ea hae.
3Mollo o mo eteletseng pele
o chesa lira tse mo pota-potileng.
4Mahalima a hae a bonesa lefatše;
lefatše lea bona,
'me lea thōthōmela.
5Lithaba li qhibiliha joaloka tšōtso,
joaloka tšōtso kapele ho Morena,
e, kapele ho Morena oa lefatše lohle.
6Maholimo a bolela ho loka ha hae,
lichaba tsohle li bona tlōtla ea hae.
7Bohle ba sebeletsang litšoantšo
ba ke ba hlajoe ke lihlong,
bao ba ithorisang ka mafeela;
melimo eohle e ke e itihele,
e itihele maotong a hae.
8Sione e utloile, 'me ea thaba,
metse ea Juda ea nyakalla,
ka baka la likahlōlo tsa hao,
uena Morena.
9Uena Morena ea holimo-limo,
ea phahametseng lefatše lohle,
u feta melimo eohle hōle.
10Lōna ba ratang Morena,
hloeang bokhopo,
o baballa bophelo
ba batšepuoa ba hae,
o ba namolela
matsohong a ba khopo.
11Leseli le chabela ea lokileng,
thabo ke ea ba pelo li ntle.
12Lōna ba lokileng thabelang Morena,
le boke lebitso la hae le halalelang.
