LIPESALEMA 70

₂Oho, Molimo, ak'u ntopolle;

oho, Morena,

ak'u potlakele ho nthusa.

₃Ba tsomileng bophelo ba ka

ba ke ba hlajoe ke lihlong,

ba ferekane;

ba ntakaletsang bobe

ba ke ba cheche, ba tlontlolohe.

₄Ba ke ba khutlisoe

ke ho tlontloloha,

bana ba reng ka 'na: “Aha! Aha!”

₅Bohle ba u batlang

ba ke ba nyakalle, ba u thabele.

Ba ratang ho pholosoa ke uena

ba 'ne ba re:

“Molimo o moholo!”

₆Ha e le 'na

ke mohlōphehi le mofutsana:

Oho, Molimo, ak'u mpotlakele.

Ke uena mothusi le molopolli oa ka;

oho, Morena, se liehe.