LIPESALEMA 32

Ho lehlohonolo

ea tšoaretsoeng tlōlo ea hae,

eo sebe sa hae se hlakotsoeng.

₂Ho lehlohonolo motho

eo Morena a sa 'malleng molato,

eo moea oa hae o se nang thetso.

₃Ha ke ne ke sa khutsitse,

ke ne ke opeloa ke masapo

ke ho lumaela letsatsi lohle.

₄Motšeare le bosiu

letsoho la hao le ne le nkimela,

moko oa ka o ne o omella

joalokaha eka o chesoa ke lebatama,

lebatama la lehlabula.

₅Ka ba ka ipolela sebe sa ka ho uena,

ka se ke ka pata molato oa ka;

ka re: “Ke tla ipolela

litlōlo tsa ka ho Morena;”

uena ua ntšoarela molato

oa sebe sa ka.

₆Ka baka leo, bohle ba tšepahalang

ba tla u rapela ka nako ea tsietsi.

Leha merallo ea metsi

e ka aparela hohle,

e ke ke ea fihla ho bona.

₇U setšabelo sa ka,

u tla mphemisa matšoenyeho;

u nteela hare, ua ntopolla.

₈Ke tla u ruta, ke u bontše tsela;

ke tla u eletsa, ke u bee leihlo.

₉U se ke ua tšoana le pere

kapa 'meile,

tsona li hlokang kelello,

li thapisoang ka tōmo le marapo;

ho seng joalo u ke ke ua li laola.

₁₀Mahlomola a ea khopo a mangata,

athe ea tšepileng Morena

o teetsoe hare ke mohau oa hae.

₁₁Thabelang Morena, le nyakalle,

le nyakalle lōna ba lokileng;

le etse litlatse, lōna ba pelo li ntle.