LIPESALEMA 14

Ka pelong sethoto se re:

“Ha ho na Molimo.”

Liketso tsa batho li bolile,

lia nyonyeha,

ha ho le ea mong ea etsang tse ntle.

₂Morena, a le maholimong,

o talima bana ba batho,

ho bona hore na ho teng

ea utloisisang,

ea batlang Molimo.

₃Bohle ba khelohile,

ba senyehile kaofela;

ha ho ea etsang tse ntle,

ha ho le ea mong.

₄Na baa bohle ha ba na tsebo,

baa ba etsang tse sa lokang,

baa ba itjellang sechaba sa ka,

joalokaha ba e-ja bohobe,

ba sa ipiletse ho Morena?

₅Joale ba tla tšoha haholo,

ba tšohe,

hobane Molimo o ka thekōng,

ea molōko o lokileng.

₆Lōna le ka soma merero

ea ea hlōphehileng,

empa Morena ke setšabelo sa hae.

₇E se eka pholoho ea Iseraele

e ka tsoa Sione!

Mohla Morena a khutlisang

sechaba sa hae,

a se khutlisa bothōpuoeng,

Jakobo o tla nyakalla,

Iseraele le eena a thabe.