LIPESALEMA 129

Haesale ba ntšoenya haholo

ho tloha bocheng ba ka,

Iseraele a ke a rialo,

₂haesale ba ntšoenya haholo

ho tloha bocheng ba ka,

empa ha baa ka ba ntlhōla.

₃Balemi ba lemile

mokokotlong oa ka,

ba entse liforo tse telele.

₄Empa Morena o lokile,

o khaotse likhoele tsa ba khopo.

₅Bohle ba hloileng Sione

ba ke ba hlajoe ke lihlong,

ba chechisoe kasanthao.

₆Ba be joaloka joang

bo marulelong a matlo,

bo ponang pele bo ka fōthōloa,

₇boo ho seng ea bo helang,

ea ka tlatsang seatla sa hae ka bona,

kapa ea tlamang mangata

a a nka ka matsoho a hae.

₈Ba fetang ka tsela

ba ke ke ba re ho bona:

“Tlhlohonolofatso ea Morena

e ke e be le lōna,

re le hlohonolofatsa

ka lebitso la Morena.”