TŠIMOLOHO 10

₁Ena ke melōko ea bara ba Nōoe, e leng Sema le Kama le Jafeta. Kamora' morallo oa metsi ba ne ba tsoale bara.

₂Bana ke bara ba Jafeta: Gomere, le Magogo, le Madai, le Jafane, le Tubale, le Mesheke, le Tirase. ₃Bana ke bara ba Gomere: Ashekenase, le Rifate, le Togarema. ₄Bana ke bara ba Jafane: Elisha, le Tarashishe, le Kitime, le Dodanime. ₅Ke bona ba ileng ba abeloa linaha tsa lihlekehleke, ka ho ea ka maleme a bona, le ka ho ea ka malapa abo bona, le ka ho ea ka merabe ea bona.

₆Bana ke bara ba Kama: Kushe, le Miseraime, le Pute, le Kanana. ₇Bana ke bara ba Kushe: Seba, le Hafila, le Sabeta, le Rama, le Sabeteka, 'me bara ba Rama ke Sheba le Dedane. ₈Kushe a tsoala Nimerode; Nimerode ea e-ba senatla se seholo lefatšeng. ₉Mahlong a Molimo e ne e le setsomi se matla, 'me ke ka baka lena ho eeng ho thoe: “Joaloka Nimerode, setsomi se matla mahlong a Molimo.” ₁₀Puso ea hae e qalehile Babele, le Ereke, le Akade, le Kalene, naheng ea Shinare. ₁₁A tloha naheng eo, a ea Asure; a haha Ninife le Rehobote-Ire, le Kalaha, ₁₂le Resene, pakeng tsa Ninife le Kalaha, e leng oona motse o moholo.

₁₃Miseraime a tsoala Balōde, le Baaname, le Balebahe, le Banafetuhe, ₁₄le Bapatarusi, le Bakasalohe, ba tsoetseng Bafilesita, le Bakafatore.

₁₅Kanana a itsibola ka Sidone, ea tla ba Hete, ₁₆le Bajebuse, le Baamore, le Bagirigashe, ₁₇le Bahife, le Baareki, le Basine, ₁₈le Baarefade, le Basemare, le Bahamate. Kamora' mona malapa a Bakanana a namela hohle. ₁₉Moeli oa Bakanana o ne o tloha Sidone, ho ea fihla Gerare, le ho ea fihla Gasa, le ho ea Sodoma, le Gomora, le Adema, le Seboime, ho ea fihla Lasha.

₂₀Bana ke bara ba Kama, ka ho ea ka malapa abo bona, le ka ho ea ka maleme a bona, le ka ho ea ka linaha tsa bona, le ka ho ea ka merabe ea bona.

₂₁Sema, ntat'a bana bohle ba Ebere, moholoane oa Jafeta, le eena a tsoalloa bana. ₂₂Bara ba Sema ke Elame, le Asure, le Arepakeshade, le Lōde, le Arame. ₂₃Bara ba Arame ke Use, le Hule, le Getere, le Masha. ₂₄Arepakeshade a tsoala Shela, 'me Shela a tsoala Ebere. ₂₅Ebere a tsoala bara ba babeli. Lebitso la e mong e ne e le Pelege, hobane baahi ba lefatše ba ne ba arohane mehleng ea hae; moen'a hae e ne e le Jokotane. ₂₆Jokatane a tsoala Alamodade, le Shelefe, le Hasere-Mafete, le Jerahe, ₂₇le Hadorame, le Usale, le Dikela, ₂₈le Obale, le Abimaele, le Sheba, ₂₉le Ofire, le Hafila, le Jobabe. Bana bohle ke bara ba Jokotane. ₃₀Ba ne ba ahile Mesha, ho ea fihla Sefare, lithabeng tse ka bochabela.

₃₁Bana ke bara ba Sema, ka ho ea ka malapa abo bona, le ka ho ea ka maleme a bona, le ka ho ea ka linaha tsa bona, le ka ho ea ka merabe ea bona.

₃₂Ana ke 'ona malapa a bara ba Nōoe, ho ea ka melōko ea bona, le ka merabe ea bona. Lichaba tse tsoang ho bona li ile tsa arohana lefatšeng kamora' morallo oa metsi.