TŠENOLO 5

₁Ka letsohong le letona la ea lutseng teroneng, ka bona buka e ngotsoeng kamahohle, e bitietsoeng ka libitielo tse supileng. ₂Ka ba ka bona lengeloi le matla, le phatlalatsang ka lentsoe le phahameng, le re: “Ke mang ea lokelang ho phetla buka le ho khomarolla libitielo tsa eona?” ₃Empa ho ne ho se motho leholimong, kapa lefatšeng, kapa botebong ba lefatšeng, ea ka phetlang buka, leha e le ho e bala. ₄Eaba ke lla habohlōkō, hobane ho sa ka ha fumanoa ea lokelang ho phetla buka, leha e le ho e bala. ₅Empa e mong oa baholo a re ho 'na: “U se ke ua lla. Bona, Tau ea lelōko la Juda, Lehlōmela la Davida, o hlōtse. O tla phetla buka le ho khomarolla libitielo tse supileng tsa eona.”

₆Joale ka bona Konyana e emeng bohareng ba terone, e teetsoe hare ke libōpuoa tse 'ne tse phelang, le ke baholo. Konyana e ne e bonahala eka e hlabiloe. E ne e e-na le linaka tse supileng le mahlo a supileng, e leng meea e supileng ea Molimo, e rōmetsoeng lefatšeng lohle.

₇Konyana ea tla, ea nka buka e letsohong le letona la ea lutseng teroneng. ₈Eitse ha e nka buka, libōpuoa tse 'ne tse phelang, le baholo ba mashome a mabeli a metso e mene, ba itihela fatše kapele ho Konyana. E mong le e mong o ne a tšoere harepa le lefisoana la khauta le tletseng mokubetso, oo e leng lithapelo tsa bahalaleli.

₉Ba ne ba bina sefela se secha, ba re:

₁₁Ka talima hape, 'me ka utloa mantsoe a mangeloi a mangata, a pota-potileng terone, le libōpuoa tse phelang, le baholo. Palo ea 'ona e ne e le likete tsa likete-kete. ₁₂A ne a bua ka mantsoe a phahameng, a re:

“Konyana e hlabiloeng e lokela ho amohela borena, le borui, le bohlale, le matla, le hlompho, le tlōtla, le thoriso.”

₁₃Le libōpuoa tsohle tse leholimong, le tse lefatšeng, le tse botebong ba lefatše, le tse leoatleng, tsohle tse ho tsona ka li utloa li re:

“Ho ea lutseng teroneng le ho Konyana e be thoriso, le hlompho, le tlōtla, le matla, kamehla le mehla.”

₁₄Eaba libōpuoa tse 'ne tse phelang li re: “A ho be joalo!” Le baholo ba itihela fatše, ba mo khumamela.