LIPESALEMA 133

Bonang, ho hotle,

ho monate hakaakang,

ha bana ba motho

ba phelisana ka khotso!

₂Ho joaloka ole ea bohlokoa,

ole e tlotsang hlooho,

e keleketlelang litelung,

litelung tsa Arone,

e lepellelang molaleng

oa seaparo sa hae.

₃Ho joaloka phōka ea Heremone,

e lalang holim'a lithaba tsa Sione;

ke moo Morena a faneng

ka tlhohonolofatso ea hae teng,

e leng bophelo,

bophelo ba kamehla le mehla.