LIPESALEMA 126

Ha Morena

a khutlisa batho ba Sione,

a ba khutlisa bothōpuoeng,

e ne e ka rea lora.

₂Eaba re keketeha ke litšeho,

maleme a rōna a etsa litlatse.

Joale har'a lichaba ha thoe:

“Morena o ba etselitse tse kholo.”

₃E, Morena o re etselitse tse kholo,

ruri re thabile.

₄Morena, ak'u khutlise ba habo rōna,

ba habo rōna ba bothōpuoeng,

ba khutle sa melatsoana e phallang,

e phallelang Lehoatateng la Boroa.

₅Ba ileng ba jala ka likhapha,

ba tla kotula ka litlatse.

₆Ea tsamaeang a lla,

a nkile peō e tla jaloa,

o tla khutla ka litlatse,

a nkile mangata a hae.