Linyehelo tsa ho halaletsa aletare
1Ka letsatsi leo Moshe a qetileng ho hloma Tente ea Morena ka lona, a e tlotsa, a e halaletsa hammoho le lijana tsohle tsa eona; le aletare, le lijana tsohle tsa eona, le tsona a li tlotsa a li halaletsa. 2Ha etsoa nyehelo ke mahosana a Iseraele, ao e neng e le lihlooho tsa matlo a bo-ntat'a 'ona; ke 'ona mahosana a merabe, a neng a hlokometse ho baloa ha sechaba. 3Mahosana a tlisa nyehelo kapele ho Morena, e le makoloi a tšeletseng a nang le litente, le lipholo tse leshome le metso e 'meli; koloi kanngoe e le ea mahosana a mabeli, pholo e le 'ngoe e le ea khosana e le 'ngoe. A li tlisa kapele ho Tente ea Morena.
4Morena a bua ho Moshe, a re: 5“Amohela linyehelo tsa mahosana ana, e le hore lintho tsena li tle li sebelisoe ha ho sebeletsoa ka Tenteng ea Morena. U li abele Balevi, monna ka mong u mo abele ho ea ka mosebetsi oa hae.”
6Moshe a amohela makoloi le lipholo, a li abela Balevi. 7Makoloi a mabeli le lipholo tse 'ne a li abela bara ba Gereshone, ho ea ka mosebetsi oa bona. 8Makoloi a mane le lipholo tse robeli a li abela bara ba Merari, ho ea ka mosebetsi oa bona. Ba ne ba laoloa ke Itamare, mora oa moprista Arone. 9Empa bara ba Kohate ha aa ka a ba nea letho, hobane mosebetsi oa bona e ne e le oa ho jara lintho tse halalelang tsa Sehalalelo.
Nyehelo ea khalaletso
10Mahosana a tlisa nyehelo ea khalaletso ea aletare, mohla e tlotsoang, 'me mahosana ao a etsa nyehelo ea 'ona kapele ho aletare. 11Morena a re ho Moshe: “Khosana e 'ngoe le e 'ngoe, e le inotši, e etse nyehelo ea eona ea khalaletso ea aletare ka letsatsi la eona.”
12Khosana e ileng ea etsa nyehelo ea eona ka letsatsi la pele ea e-ba Naheshone, mora oa Aminadabe, oa morabe oa Juda. 13Nyehelo e hae ea e-ba mokèke o le mong oa silefera, oo boima ba oona e neng e le kilo e le 'ngoe le halofo; le sekotlolo se le seng sa silefera, seo boima ba sona e neng e le likeramo tse makholo a robeli, tse lekantsoeng ka tekanyo e sebelisoang ka Sehalalelong. Bobeli ba tsona li ne li tletse phofo e thumisehileng, e lubiloeng ka ole, e le nyehelo ea lijo. 14Le lefisoana le le leng la khauta, leo boima ba lona e neng e le likeramo tse lekholo le leshome, le tletseng mokubetso. 15Le pohoana e le 'ngoe, le pheleu e le 'ngoe, le nku e le 'ngoe e tona e nang le selemo, e le tsa nyehelo ea secheso; 16le phooko e le 'ngoe ea nyehelo e tlosang sebe. 17Bakeng sa sehlabelo sa nyehelo ea teboho ea e-ba lipholo tse peli, le lipheleu tse hlano, le liphooko tse hlano, le linku tse hlano tse tona, tse nang le selemo. Ena ea e-ba nyehelo ea Naheshone, mora oa Aminadabe.
18Ka letsatsi la bobeli ha nyehela Netanele, mora oa Suare, khosana ea Isakare. 19A etsa nyehelo ea mokèke o le mong oa silefera, oo boima ba oona e neng e le kilo e le 'ngoe le halofo; le sekotlolo se le seng sa silefera, seo boima ba sona e neng e le likeramo tse makholo a robeli, tse lekantsoeng ka tekanyo e sebelisoang ka Sehalalelong. Bobeli ba tsona li ne li tletse phofo e thumisehileng, e lubiloeng ka ole, e le nyehelo ea lijo. 20Le lefisoana le le leng la khauta, leo boima ba lona e neng e le likeramo tse lekholo le leshome, le tletseng mokubetso. 21Le pohoana e le 'ngoe, le pheleu e le 'ngoe, le nku e le 'ngoe e tona e nang le selemo, e le tsa nyehelo ea secheso. 22Le phooko e le 'ngoe ea nyehelo e tlosang sebe. 23Bakeng sa sehlabelo sa nyehelo ea teboho ea e-ba lipholo tse peli, le lipheleu tse hlano, le liphooko tse hlano, le linku tse hlano tse tona, tse nang le selemo. Ena ea e-ba nyehelo ea Netanele, mora oa Suare.
24Ka letsatsi la boraro ha nyehela khosana ea bana ba Sebulone, e leng Eliabe, mora oa Helone. 25Nyehelo ea hae ea e-ba mokèke o le mong oa silefera, oo boima ba oona e neng e le kilo e le 'ngoe le halofo; le sekotlolo se le seng sa silefera, seo boima ba sona e neng e le likeramo tse makholo a robeli, tse lekantsoeng ka tekanyo e sebelisoang ka Sehalalelong. Bobeli ba tsona li ne li tletse phofo e thumisehileng, e lubiloeng ka ole, e le nyehelo ea lijo. 26Le lefisoana le le leng la khauta, leo boima ba lona e neng e le likeramo tse lekholo le leshome, e tletseng mokubetso. 27Le pohoana e le 'ngoe, le pheleu e le 'ngoe, le nku e le 'ngoe e tona e nang le selemo, e le tsa nyehelo ea secheso. 28Le phooko e le 'ngoe ea nyehelo e tlosang sebe. 29Bakeng sa sehlabelo sa nyehelo ea teboho ea e-ba lipholo tse peli, le lipheleu tse hlano, le liphooko tse hlano, le linku tse hlano tse tona, tse nang le selemo. Ena ea e-ba nyehelo ea Eliabe, mora oa Helone.
30Ka letsatsi la bone ha nyehela khosana ea bana ba Rubene, e leng Elesure, mora oa Shedeure. 31Nyehelo ea hae ea e-ba mòkeke o le mong oa silefera, oo boima ba oona e neng e le kilo e le 'ngoe le halofo; le sekotlolo se le seng sa silefera, seo boima ba sona e neng e le likeramo tse makholo a robeli, tse lekantsoeng ka tekanyo e sebelisoang ka Sehalalelong. Bobeli ba tsona li ne li tletse phofo e thumisehileng, e lubiloeng ka ole, e le nyehelo ea lijo. 32Le lefisoana le le leng la khauta, leo boima ba lona e neng e le likeramo tse lekholo le leshome, le tletseng mokubetso. 33Le pohoana e le 'ngoe, le pheleu e le 'ngoe, le nku e le 'ngoe e tona e nang le selemo, e le tsa nyehelo ea secheso. 34Le phoofolo e le 'ngoe ea nyehelo e tlosang sebe. 35Bakeng sa sehlabelo a nyehelo ea teboho ea e-ba lipholo tse peli, le lipheleu tse hlano, le liphooko tse hlano, le linku tse hlano tse tona, tse nang le selemo. Ena ea e-ba nyehelo ea Elesure, mora oa Shedeure.
36Ka letsatsi la bohlano ha nyehela khosana ea bana ba Simeone, e leng Shelōmiele, mora oa Surishadai. 37Nyehelo ea hae ea e-ba mokèke o le mong oa silefera, oo boima ba oona e neng e le kilo e le 'ngoe le halofo; le sekotlolo se le seng sa silefera, seo boima ba sona e neng e le likeramo tse makholo a robeli, tse lekantsoeng ka tekanyo e sebelisoang ka Sehalalelong. Bobeli ba tsona li ne li tletse phofo e thumisehileng, e lubiloeng ka ole, e le nyehelo ea lijo. 38Le lefisoana le le leng la khauta, leo boima ba lona e neng e le likeramo tse lekholo le leshome, le tletseng mokubetso. 39Le pohoana e le 'ngoe, le pheleu e le 'ngoe, le nku e le 'ngoe e tona e nang le selemo, e le tsa nyehelo ea secheso. 40Le phooko e le 'ngoe ea nyehelo e tlosang sebe. 41Bakeng sa sehlabelo sa nyehelo ea teboho ea e-ba lipholo tse peli, le lipheleu tse hlano, le liphooko tse hlano, le linku tse hlano tse tona, tse nang le selemo. Ena ea e-ba nyehelo ea Shelōmiele, mora oa Surishadai.
42Ka letsatsi la botšelela ha nyehela khosana ea bana ba Gade, e leng Eleasafo, mora oa Deuele. 43Nyehelo ea hae ea e-ba mokèke o le mong oa silefera, oo boima ba oona e neng e le kilo e le 'ngoe le halofo; le sekotlolo se le seng sa silefera, seo boima ba sona e neng e le likeramo tse makholo a robeli, tse lekantsoeng ka tekanyo e sebelisoang ka Sehalalelong. Bobeli ba tsona li ne li tletse phofo e thumisehileng, e lubiloeng ka ole, e le nyehelo ea lijo. 44Le lefisoana le le leng la khauta, leo boima ba ona e neng e le likeramo tse lekholo le leshome, le tletseng mokubetso. 45Le pohoana e le 'ngoe, le pheleu e le 'ngoe, le nku e le 'ngoe e tona e nang le selemo, e le tsa nyehelo ea secheso. 46Le phooko e le 'ngoe ea nyehelo e tlosang sebe. 47Bakeng sa sehlabelo sa nyehelo ea teboho ea e-ba lipholo tse peli, le lipheleu tse hlano, le liphooko tse hlano, le linku tse hlano tse tona, tse nang le selemo. Ena ea e-ba nyehelo ea Eleasafo, mora oa Deuele.
48Ka letsatsi la bosupa ha nyehela khosana ea bana ba Efraime, e leng Eleshama, mora oa Amihude. 49Nyehelo ea hae ea e-ba mokèke o le mong oa silefera, oo boima ba oona e neng e le kilo e le 'ngoe le halofo; le sekotlolo se le seng sa silefera, seo boima ba sona e neng e le likeramo tse makholo a robeli, tse lekantsoeng ka tekanyo e sebelisoang ka Sehalalelong. Bobeli ba tsona li ne li tletse phofo e thumisehileng, e lubiloeng ka ole, e le nyehelo ea lijo. 50Le lefisoana le le leng la khauta, leo boima ba lona e neng e le likeramo tse lekholo le leshome, le tletseng mokubetso. 51Le pohoana e le 'ngoe, le pheleu e le 'ngoe, le nku e le 'ngoe e tona e nang le selemo, e le tsa nyehelo ea secheso. 52Le phooko e le 'ngoe ea nyehelo e tlosang sebe. 53Bakeng sa sehlabelo sa nyehelo ea teboho ea e-ba lipholo tse peli, le lipheleu tse hlano, le liphooko tse hlano, le linku tse hlano tse tona, tse nang le selemo. Ena ea e-ba nyehelo ea Eleshama, mora oa Amihude.
54Ka letsatsi la borobeli ha nyehela khosana ea bana ba Manase, e leng Gamaleele, mora oa Pedasure. 55Nyehelo ea hae ea e-ba mokèke o le mong oa silefera, oo boima ba oona e neng e le kilo e le 'ngoe le halofo; le sekotlolo se le seng sa silefera, seo boima ba sona e neng e le likeramo tse makholo a robeli, tse lekantsoeng ka tekanyo e sebelisoang ka Sehalalelong. Bobeli ba tsona li ne li tletse phofo e thumisehileng, e lubiloeng ka ole, e le nyehelo ea lijo. 56Le lefisoana le le leng la khauta, eo boima ba lona e neng e le likeramo tse lekholo le leshome, le tletseng mokubetso. 57Le pohoana e le 'ngoe le pheleu e le 'ngoe, le nku e le 'ngoe e tona e nang le selemo, e le tsa nyehelo ea secheso. 58Le phooko e le 'ngoe ea nyehelo e tlosang sebe. 59Bakeng sa sehlabelo sa nyehelo ea teboho ea e-ba lipholo tse peli, le lipheleu tse hlano, le liphooko tse hlano, le linku tse hlano tse tona, tse nang le selemo. Ena ea e-ba nyehelo ea Gamaleele, mora oa Pedasure.
60Ka letsatsi la borobong ha nyehela khosana ea bana ba Benjamine, e leng Abidane, mora oa Gidoni. 61Nyehelo ea hae ea e-ba mokèke o le mong oa silefera, oo boima ba oona e neng e le kilo e le 'ngoe le halofo; le sekotlolo se le seng sa silefera, seo boima ba sona e neng e le likeramo tse makholo a robeli, tse lekantsoeng ka tekanyo e sebelisoang ka Sehalalelong. Bobeli ba tsona li ne li tletse phofo e thumisehileng, e lubiloeng ka ole, e le nyehelo ea lijo. 62Le lefisoana le le leng la khauta, leo boima ba lona e neng e likeramo tse lekholo le leshome, le tletseng mokubetso. 63Le pohoana e le 'ngoe, le pheleu e le 'ngoe, le nku e le 'ngoe e tona e nang le selemo, e le tsa nyehelo ea secheso. 64Le phooko e le 'ngoe ea nyehelo e tlosang sebe. 65Bakeng sa sehlabelo sa nyehelo ea teboho ea e-ba lipholo tse peli, le lipheleu tse hlano, le liphooko tse hlano, le linku tse hlano tse tona, tse nang le selemo. Ena ea e-ba nyehelo ea Abidane, mora oa Gidoni.
66Ka letsatsi la leshome ha nyehela khosana ea bana ba Dane, e leng Ahiesere, mora oa Amishadai. 67Nyehelo ea hae ea e-ba mokèke o le mong oa silefera, oo boima ba oona e neng e le kilo e le 'ngoe le halofo; le sekotlolo se le seng sa silefera, seo boima ba sona e neng e le likeramo tse makholo a robeli, tse lekantsoeng ka tekanyo e sebelisoang ka Sehalalelong. Bobeli ba tsona li ne li tletse phofo e thumisehileng, e lubiloeng ka ole, e le nyehelo ea lijo. 68Le lefisoana le le leng la khauta, leo boima ba lona e neng e le likeramo tse lekholo le leshome, le tletseng mokubetso. 69Le pohoana e le 'ngoe, le pheleu e le 'ngoe, le nku e le 'ngoe e tona e nang le selemo, e le tsa nyehelo ea secheso. 70Le phooko e le 'ngoe ea nyehelo e tlosang sebe. 71Bakeng sa sehlabelo sa nyehelo ea teboho ea e-ba lipholo tse peli, le lipheleu tse hlano, le liphooko tse hlano, le linku tse hlano tse tona, tse nang le selemo. Ena ea e-ba nyehelo ea Ahiesere, mora oa Amishadai.
72Ka letsatsi la leshome le motso o mong ha nyehela khosana ea bana ba Ashere, e leng Pagiele, mora oa Okerane. 73Nyehelo ea hae ea e-ba mokèke o le mong oa silefera, oo boima ba oona e neng e le kilo e le 'ngoe le halofo, le sekotlolo se le seng sa silefera, seo boima ba sona e neng e le likeramo tse makholo a robeli, tse lekantsoeng ka tekanyo e sebelisoang ka Sehalalelong. Bobeli ba tsona li ne li tletse phofo e thumisehileng, e lubiloeng ka ole, e le nyehelo ea lijo. 74Le lefisoana le le leng la khauta, leo boima ba lona e neng e le likeramo tse lekholo le leshome, le tletseng mokubetso. 75Le pohoana e le 'ngoe, le pheleu ele 'ngoe, le nku e le 'ngoe e tona e nang le selemo, e le tsa nyehelo ea secheso, 76le phooko e le 'ngoe e tlosang sebe. 77Bakeng sa sehlabelo sa nyehelo ea teboho ea e-ba lipholo tse peli, le lipheleu tse hlano, le liphooko tse hlano, le linku tse hlano tse tona tse nang le selemo. Ena ea e-ba nyehelo ea Pagiele, mora oa Okerane.
78Ka letsatsi la leshome le metso e 'meli ha nyehela khosana ea bana ba Nafthali, e leng Ahira, mora oa Enane. 79Nyehelo ea hae ea e-ba mokèke o le mong oa silefera, oo boima ba oona e neng e le kilo e le 'ngoe le halofo, le sekotlolo se le seng sa silefera, seo boima ba sona e neng e le likeramo tse makholo a robeli, tse lekantsoeng ka tekanyo e sebelisoang ka Sehalalelong. Bobeli ba tsona li ne li tletse phofo e thumisehileng, e lubiloeng ka ole, e le nyehelo ea lijo. 80Le lefisoana le le leng la khauta, leo boima ba lona e neng e le likeramo tse lekholo le leshome, le tletseng mokubetso. 81Le pohoana e le 'ngoe, le pheleu e le 'ngoe, le nku e le 'ngoe e tona e nang le selemo, e le tsa nyehelo ea secheso, 82le phooko e le 'ngoe ea nyehelo e tlosang sebe. 83Bakeng sa sehlabelo sa nyehelo ea teboho ea e-ba lipholo tse peli, le lipheleu tse hlano, le liphooko tse hlano, le linku tse hlano tse tona, tse nang le selemo. Ena ea e-ba nyehelo ea Ahira, mora oa Enane.
84Tsena e bile tsona linyehelo tsa khalaletso ea aletare, mohla e neng e tlotsoa ke mahosana a Iseraele; mekèke ea silefera e leshome le metso e 'meli, likotlolo tsa silefera tse leshome le metso e 'meli, mafisoana a khauta a leshome le metso e 'meli. 85Boima ba mokèke o mong le o mong e ne e le kilo e le 'ngoe le halofo; ba sekotlolo se seng le se seng e le likeramo tse makholo a robeli. Boima ba silefera ea lijana kaofela e ne e le kilo tse mashome a mabeli a metso e supileng le likeramo tse mashome a tšeletseng, tse lekantsoeng ka tekanyo e sebelisoang ka Sehalalelong. 86Le mafisoana a khauta a leshome le metso e 'meli, a tletseng mokubetso. Boima ba lefisoana le leng le le leng e ne e le likeramo tse lekholo le leshome. Boima ba khauta ea mafisoana kaofela e ne e le kilo e le 'ngoe le likeramo tse mashome a mararo le metso e 'meli, tse lekantsoeng ka tekanyo e sebelisoang ka Sehalalelong.
87Liphoofolo tsohle tsa nyehelo ea secheso e ne e le lipohoana tse leshome le metso e 'meli; lipheleu tse leshome le metso e 'meli; linku tse tona tse nang le selemo, tse leshome le metso e 'meli, le nyehelo ea lijo e tsamaeang le tsona; le liphooko tse leshome le metso e 'meli tsa nyehelo e tlosang sebe. 88Liphoofolo tsohle tsa sehlabelo sa nyehelo ea teboho e ne e le lipohoana tse mashome a mabeli a metso e mene, le lipheleu tse mashome a tšeletseng, le liphooko tse mashome a tšeletseng, le linku tse tona tse nang le selemo, tse mashome a tšeletseng. Tsena ea e-ba tsona linyehelo tsa khalaletso ea aletare, ha e se e tlotsitsoe.
89Ha Moshe a kena ka Tenteng ea Morena ho ea bua le Molimo, a utloa lentsoe le buang ho eena, le e-tsoa kaholim'a sekoahelo se holim'a areka ea selekane, pakeng tsa likerubime tse peli, 'me eaba le bua le eena.
