PESALEME YA 141

₁Jehova, ke bitsa ho wena, o phakise ho tla nthusa! o sekehele lentswe la ka tsebe, ha ke bitsa ho wena! ₂Thapelo ya ka a e ke e nyolohele jwaloka dibano tse nkgang hamonate pela hao, le kemiso ya matsoho a ka e be jwaloka sehlabelo sa mantsiboya! ₃Jehova, bea selebedi pela molomo wa ka, o lebele monyako wa melomo ya ka! ₄O se ke wa leseletsa pelo ya ka ho sekamela bobe, ke se ke ka etsa tse mpe ka lonya le ba sebetsang bokgopo, ke se ke ka latswa menate ya bona.

₅Ya lokileng a ke a nkotle, ke molemo; a ke a ntaye, ke ole hloohong ya ka; hlooho ya ka e ke ke ya e hana, hobane le jwale ke tla bea thapelo ya ka mohla a leng tsietsing. ₆Ha babusi ba bona ba dihetswe dilomong, ke moo ba tlang ho utlwa ditaba tsa ka, hobane di molemo. ₇Masapo a rona a hasane molomong wa nqalo ya bafu, jwaloka lefatshe ha le lengwa, leha le phophothwa.

₈E, Jehova Morena, mahlo a ka a lelaletse ho wena, ke tshepile wena, o se ke wa lesa bophelo ba ka ho timela! ₉O ntwele mameneng ao ba njthekelang wona, le marabeng a ba bolotsana. ₁₀Ba babe ba ke ba wele marabeng a bona, ke tle ke be ke phonyohele ruri.