PESALEME YA 111

₁Bokang Jehova! Ke rorisa Jehova ka pelo ya ka yohle, mokgatlong wa ba lokileng le phuthehong. ₂Mesebetsi ya Jehova e meholo, e batlisiswa ke bohle ba kgahlwang ke yona. ₃Seo a se etsang ke bokgabane le kganya, ho loka ha hae ho hlola ka ho sa feleng. ₄O etseditse mehlolo ya hae kgopotso. ₅Jehova o mohau, o lereko. O nea ba mo tshabang dijo; o hopola selekane sa hae kamehla le mehla. ₆O bonahaditse matla a diketso tsa hae ho setjhaba sa hae ka ho se nea lefa la ditjhaba. ₇Mesebetsi ya diatla tsa hae ke nnete le ho loka; ₈ditaelo tsa hae kaofela ke tsa sebele, tse tiileng ka ho sa yeng kae le ka ho sa feleng; di theilwe nneteng le ho lokeng. ₉O rometse setjhaba sa hae poloko, o laetse selekane sa hae, e be se sa feleng. Lebitso la hae le a halalela, mme le a tshabeha. ₁₀Qalo ya bohlale ke ho tshaba Jehova; bohle ba ineelang hoo ba na le kutlwisiso e lokileng. Kganya ya hae e hlola ka ho sa feleng.