NUMERE 7

₁Ka letsatsi leo Moshe a qetang ho emisa tabernakele, a e tlotsa, a e halaletsa le mesebetsi yohle ya yona, le aletare, le mesebetsi yohle ya yona; a di tlotsa, mme a di kgetha. ₂Yaba marena a Iseraele, dihlooho tsa matlo a bontata bona, tseo e leng marena a meloko, a beilweng ho hlahloba ho balwa ha setjhaba, a hlahisa dikabelo tsa wona. ₃A tlisa dikabelo tsa wona pela Jehova, e leng makoloi a tsheletseng a ditente, le dipholo tse leshome le metso e mmedi, ke ho re, koloi e le nngwe ka marena a mabedi, pholo e le nngwe ka morena a le mong; a di hlahisa pela tabernakele.

₄Jehova a bua le Moshe, a re: ₅Amohela dintho tseo ho bona, ho tle ho etswe tshebetso ya tente ya pokano ka tsona; o di abele Balevi, o nee e mong le e mong ka tshebetso ya hae. ₆Yaba Moshe o nka makoloi le dipholo, a di nea Balevi. ₇A nea bara ba Gershone, ka ho lekanyetsa mosebetsi wa bona, makoloi a mabedi le dipholo tse nne; ₈a nea bara ba Merari, ka ho lekanyetsa mosebetsi wa bona, makoloi a mane le dipholo tse robileng meno e le mmedi; ba ne ba le pusong ya Ithamare, mora Aarone, moprista. ₉Empa a se ke a nea bara ba Kehathe letho, kahobane ba ne ba beetswe tshebetso ya ho jara ntho tsa sehalalelo ka mahetla a bona.

₁₀Ka tsatsi leo aletare e neng e kgakolwe ka lona, mohla e tlotswang, marena a tlisa dikabelo tsa wona, marena a hlahisa dikabelo tsa wona pela aletare. ₁₁Jehova a re ho Moshe: Marena a ke a hlahise dikabelo tsa wona tsa ho kgakola aletare e mong ka tsatsi le leng, e mong ka le leng.

₁₂Ya kileng a hlahisa kabelo ya hae ka tsatsi la pele, ya eba Nasone, mora Amminadabe, wa leloko la Juda. ₁₃Kabelo ya hae ya eba mokeke wa silefera, boima ba wona e le dishekele tse lekgolo le nang le mashome e mararo; le morifi wa silefera, tse mashome a supileng, o leng dishekele tsa sehalalelo; tse pedi tseo di ne di tletse lefi la phofo le dubilweng ka ole, e be nyehelo; ₁₄le pitsa ya kgauta ya dishekele tse leshome, e tletseng dibano; ₁₅le pohwana ya kgomo, le pheleu, le konyana e tona e lemo se le seng, e be setjheso; ₁₆le phooko ya sehlabelo sa sebe; ₁₇tsa sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Nasone, mora Amminadabe.

₁₈Ka tsatsi la bobedi, Nethaneele, mora Tsuare, morena wa Issaskare, a hlahisa kabelo ya hae. ₁₉A tlisa kabelo ya hae, e leng mokeke wa silefera, boima ba wona e le dishekele tse lekgolo le mashome a mararo; le morifi wa silefera, wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole e be nyehelo; ₂₀le pitsa ya kgauta ya dishekele tse leshome, e tletseng dibano; ₂₁le pohwana ya kgomo, le pheleu, le konyana e tona e lemo se le seng, e be setjheso; ₂₂le phooko ya sehlabelo sa sebe; ₂₃tsa sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Nethaneele, mora Tsaure.

₂₄Ka tsatsi la boraro, ha tla Eliabe, mora Helone, morena wa bara ba Sabulone. ₂₅Kabelo ya hae ya eba mokeke wa silefera, boima ba wona e le dishekele tse lelgolo le mashome a mararo; le morifi wa silefera wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole, e be nyehelo; ₂₆le pitsa ya kgauta ya dishekele tse leshome, e tletseng dibano; ₂₇le pohwana ya kgomo, le pheleu, le konyana e tona e lemo se le seng, e be setjheso; ₂₈le phooko ya sehlabelo sa sebe; ₂₉tsa sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Eliabe, mora Helone.

₃₀Ka tsatsi la bone, ha tla Elitsure, mora Shedeure, morena wa bara ba Rubene. ₃₁Kabelo ya hae ya eba mokeke wa silefera, boima ba wona e le dishekele tse lekgolo le mashome a mararo; le morifi wa silefera wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole, e be nyehelo; ₃₂le pitsa ya kgauta ya dishekele tse leshome, e tletseng dibano; ₃₃le pohwana ya kgomo, le pheleu, le konyana e tona e lemo se le seng, e be setjheso; ₃₄le phooko ya sehlabelo sa sebe; ₃₅tsa sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Elitsure, mora Shedeure.

₃₆Ka tsatsi la bohlano, ha tla Shelumiele, mora Tsurishaddai, morena wa bara ba Simeone. ₃₇Kabelo ya hae ya eba mokeke wa silefera, boima ba wona e le dishekele tse lekgolo le mashome a mararo; le morifi wa silefera wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole, e be nyehelo; ₃₈le pitsa ya kgauta ya dishekele tse leshome, e tletseng dibano; ₃₉le pohwana ya kgomo, le pheleu, le konyana e tona e lemo se le seng, e be setjheso; ₄₀le phooko ya sehlabelo sa sebe; ₄₁tsa sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Shelumiele, mora Tsurishaddai.

₄₂Ka tsatsi la botshelela, ha tla Eliasafe, mora Deuele, morena wa bara ba Gade. ₄₃Kabelo ya hae ya eba mokeke wa silefera, boima ba wona e le dishekele tse lekgolo le mashome a mararo; le morifi wa silefera wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole, e be nyehelo; ₄₄le pitsa ya kgauta ya dishekele tse leshome, e tletseng dibano; ₄₅le pohwana ya kgomo, le pheleu, le konyana e tona e lemo se le seng, e be setjheso; ₄₆le phooko ya sehlabelo sa sebe; ₄₇tsa sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Eliasafe, mora Deuele.

₄₈Ka tsatsi la bosupa, ha tla Elishama, mora Ammihude, morena wa bara ba Efraime. ₄₉Kabelo ya hae ya eba mokeke wa silefera, boima ba wona e le dishekele tse lekgolo le mashome a mararo; le morifi wa silefera wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole, e be nyehelo; ₅₀le pitsa ya kgauta ya dishekele tse leshome, e tletseng dibano; ₅₁le pohwana ya kgomo, le pheleu, le konyana e tona e lemo se le seng, e be setjheso; ₅₂le phooko ya sehlabelo sa sebe; ₅₃tsa sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Elishama, mora Ammihude.

₅₄Ka tsatsi la boroba meno e le mmedi, ha tla Gamaliele, mora Pedahtsure, morena wa bara ba Manasse. ₅₅Kabelo ya hae ya eba mokeke wa silefera, boima ba wona e le dishekele tse lekgolo le mashome a mararo; le morifi wa silefera wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole, e be nyehelo; ₅₆le pitsa ya kgauta ya disheke tse leshome, e tletseng dibano; ₅₇le pohwana ya kgomo, le pheleu, le konyana e tona e lemo se le seng, e be setjheso; ₅₈le phooko ya sehlabelo sa sebe; ₅₉tse sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Gamaliele, mora Pedahtsure.

₆₀Ka tsatsi la boroba mono o le mong, ha tla Abidane, mora Gideoni, morena wa bara ba Benjamine. ₆₁Kabelo ya hae ya eba mokeke wa silefera, boima ba wona e le dishekele tse lekgolo le mashome a mararo; le morifi wa silefera wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole, e be nyehelo; ₆₂le pitsa ya kgauta ya dishekele tse leshome, e tletseng dibano; ₆₃le pohwana ya kgomo, le pheleu, le konyana e tona e lemo se le seng, e be setjheso; ₆₄le phooko ya sehlabelo sa sebe; ₆₅tsa sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Abidane, mora Gideoni.

₆₆Ka tsatsi la leshome, ha tla Akiesere, mora Ammishaddai, morena wa bara ba Dane. ₆₇Kabelo ya hae ya eba mokeke wa silefera, boima ba wona e le dishekele tse lekgolo le mashome a mararo; le morifi wa silefera wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole, e be nyehelo; ₆₈le pitsa ya kgauta ya dishekele tse leshome, e tletseng dibano; ₆₉le pohwana ya kgomo, le pheleu, le konyana e tona e lemo se le seng, e be setjheso; ₇₀le phooko ya sehlabelo sa sebe; ₇₁tsa sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Akiesere, mora Ammishaddai.

₇₂Ka tsatsi la leshome le motso o mong, ha tla Pagiele, mora Okrane, morena wa bara ba Asere. ₇₃Kabelo ya hae ya eba mokeke wa silefera, boima ba wona e le dishekele tse lekgolo le mashome a mararo; le morifi wa silefera wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole, e be nyehelo; ₇₄le pitsa ya kgauta ya dishekele tse leshome, e tletseng dibano; ₇₅le pohwana ya kgomo, le pheleu, le konyana e tona e lemo se le seng, e be setjheso; ₇₆le phooko ya sehlabelo sa sebe; ₇₇tsa sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Pagiele, mora Okrane.

₇₈Ka tsatsi la leshome le metso e mmedi, ha tla Akira, mora Enane, morena wa bara ba Nefthali. ₇₉Kabelo ya hae ya eba mokeke wa silefera, boima ba wona e le dishekele tse lekgolo le mashome a mararo; le morifi wa silefera wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole, e be nyehelo; ₈₀le pitsa ya kgauta ya dishekele tse leshome, e tletseng dibano; ₈₁le pohwana ya kgomo, le pheleu, le konyana e tona e lemo se le seng, e be setjheso; ₈₂le phooko ya sehlabelo sa sebe; ₈₃tsa sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Akira, mora Enane.

₈₄Dikabelo tsa ho kgakola aletare, tse tlisitsweng ke marena a Iseraele mohla e tlotswang, ya eba tse kalo: Mekeke e leshome le metso e mmedi ya silefera, le merifi e leshome le metso e mmedi ya silefera, le dipitsa tse leshome le metso e mmedi tsa kgauta. ₈₅Mokeke o mong le o mong e ne e le wa dishekele tse lekgolo le mashome a mararo tsa silefera; morifi o mong le o mong e ne e le wa tse mashome a supileng; silefera yohle ya dipitsa tseo ya eba dishekele tse kete tse pedi tse nang le makgolo a mane, e leng dishekele tsa sehalalelo. ₈₆Dipitsa tse leshome le metso e mmedi tsa kgauta, tse tletseng dibano, e nngwe le e nngwe e ne e le ya dishekele tse leshome tsa sehalalelo; kgauta yohle ya dipitsa tseo ya eba dishekele tse lekgolo le mashome a mabedi. ₈₇Dikgomo tsohle tsa setjheso e bile dipohwana tse leshome le metso e mmedi, le dipheleu tse leshome le metso e mmedi, le dikonyana tse tona tse leshome le metso e mmedi tse lemo se le seng, le dinyehelo tsa ntho tseo; le diphooko tse leshome le metso e mmedi tsa sehlabelo sa sebe. ₈₈Dikgomo tsohle tsa sehlabelo sa teboho e bile dipoho tse mashome a mabedi a metso e mene, le dipheleu tse mashome a tsheletseng, le diphooko tse mashome a tsheletseng, le dikonyana tse tona tse mashome a tsheletseng tse lemo se le seng. Ke tseo dikabelo tse neng di tliswe ho kgakola aletare ha e ne e sa tswa tlotswa.

₈₉Ha Moshe a ne e kena tenteng ya pokano ho bua le Jehova, o ne a utlwa lentswe le buang le yena, le tswang pakeng tsa dikerubime tse pedi, sekwahelong se hodima areka ya bopaki; mme o ne a bua le yena.