JOSHUA 15

₁Naha e laoletsweng leloko la bana ba Juda, ka matlo a bona, ke ho ya moeding wa Edomo, lefeelleng la Tsine, nqa borwa; ke yona pheletso ya naha nqa borwa.

₂Moedi wa bona nqa borwa o ne o tloha phellong ya Lewatle la Letswai, koung e lebileng borwa, ₃ho ya fihla nqa borwa moepeng wa Akrabbime, ho tla Tsine; ka nqa borwa o nyolosetsa Kadeshe-Barnea, le ho tla Hetsrone, le ho nyolosetsa Addare, le ho pota Karkaa; ₄o ntoo feta Atsmone, le ho tswela pele ho isa molapong wa Egepeta, moo naha e fellang lewatleng. E tla ba wona moedi wa lona nqa borwa.

₅Nqa botjhabela, moedi e ne e le Lewatle la Letswai, ho isa makenellong a Jordane; nqa leboya, moedi o ne o tloha koung ya Lewatle la Letswai, moo Jordane e kenang teng.

₆Moedi oo o nyolosetsa Bethe-Hogla, o feta nqa leboya ho Bethe-Araba, mme moedi oo o nyolosetsa ho isa fikeng la Bohane, mora Rubene. ₇Moedi o nyolosetsa le Debire, ho tloha sekgutlong sa Akore; nqa leboya o lebile Gilgale o pela moepa wa Adummime, o nqa borwa ho noka; moedi o fetela pele ho fihla metsing a Ene-Shemeshe, o ye o felle Ene-Rogele. ₈Moedi o ntoo nyolosa ka kgohlo ya mora Hinnome, e nqa borwa ho Jebuse, e leng Jerusalema; moedi o ntoo nyolosetsa qhoweng ya thaba e mabapa le kgohlo ya Hinnome, nqa bophirimela, ho felleng ha kgohlo ya Refaime, nqa leboya. ₉Moedi o seha ho tloha qhoweng ya thaba ho isa sedibeng sa metsi a Nefthoa, o fihle metseng ya thaba ya Efrone; o ntoo lebiswa Baala, e leng Kiryathe-Jearime. ₁₀Moedi hape o pota ho tloha Baala, nqa bophirimela, ho isa thabeng ya Seire, o fetele pele mothating wa thaba ya Jearime, e leng Kesalone, nqa leboya, mme o theosetse Bethe-Shemeshe, o ntoo feta ka Thimna. ₁₁Moo, moedi o fetela pele mabapa le Ekrone, nqa leboya; moedi o ntoo leba Shikrone, o fetele pele ka thaba ya Baala, o ye ho fihla Jabneele, o ntoo fella lewatleng.

₁₂Haele moedi wa nqa bophirimela, e ne e le Lewatle le Leholo ka lebopo la lona.

Ke oo moedi wa bana ba Juda ka nqa tsohle, ka matlo a bona.

₁₃Kalebe yena, mora Jefunne, a newa kabelo hammoho le bana ba Juda, jwalokaha Jehova a ne a laetse Joshua, a newa motse wa Arba, ntata Anake; ke wona Hebrone. ₁₄Kalebe a leleka teng bara ba bararo ba Anake, Sheshai, le Akimane, le Talmai, bana ba Anake. ₁₅A ntoo tloha teng ho ya lwantsha ba ahileng Debire; bitso la pele la Debire e ne e le Kiryathe-Sefere. ₁₆Kalebe a re: Ya tla kena Kiryathe-Sefere, a o nke, ke tla mo nea Aksa, moradi wa ka, e tle e be mosadi wa hae. ₁₇Ebile Othniele, mora Kenase, ngwanabo Kalebe, o a o kena; mme a mo nea Aksa, moradi wa hae, ya eba mosadi wa hae. ₁₈Mme ha a tlile ho monna wa hae, a mo phehella hore a kope tshimo ho ntatae; ebile Aksa o theoha hodima esele ya hae kapele, mme Kalebe a re ho yena: O batlang? ₁₉A re: Nnee mpho, hobane o nneile naha nqa borwa; nnee le didiba tsa metsi. A mo nea didiba tse kahodimo le tse katlase.

₂₀Ke lena lefa la leloko la bana ba Juda ka matlo a bona:

₂₁Metse e phethellang naha ya leloko la bana ba Juda, moeding wa Edomo, nqa borwa, ke Kabtseele, Edere, Jagure; ₂₂Kina, Dimona, le Adada; ₂₃Kedeshe, Hatsore, Ithnane; ₂₄Sife, Theleme, le Bealothe; ₂₅Hatsore-Hadattha, le Keryothe-Hetsrone, e leng Hatsore; ₂₆Amame, Shema, Molada; ₂₇Hatsare-Gadda, Heshmone, Bethe-Palethe; ₂₈Hatsare-Shuale, Beerseba, Bisyothia; ₂₉Baala, Ijime, le Atseme; ₃₀Eltholade, Kesile, Horma; ₃₁Tsiklage, Madmanna, Sansanna; ₃₂Lebaothe, Shilhime, Aine, le Rimmone: metse eo yohle e mashome a mabedi a metso e robileng mono o le mong, le metsana ya yona.

₃₃Lehwatateng, ke Esthaole, Tsorea, Ashna, ₃₄Sanoa, Ene-Gannime, Tapqua, Ename; ₃₅Jarmuthe, Adullame, Soko, Aseka; ₃₆Shaaraime, Adithaime, Gedera, le Gederothaime: ke metse e leshome le metso e mene, le metsana ya yona. ₃₇Tsenane, Hadasha, Migdale-Gade; ₃₈Dileane, Mitspe, Joktheele, ₃₉Lakishe, Botskathe, le Eglone; ₄₀Kabbone, Lakmase, Kithlishe; ₄₁Gederothe, Bethe-Dagone, Naama, le Makkeda; metse eo e leshome le metso e tsheletseng, le metsana ya eona; ₄₂Libna, Ethere, Ashane, ₄₃Jiftah, Ashna, Netsibe; ₄₄Keila, Aksibe, le Maresha: ke metse e robileng mono o le mong, le metsana ya yona. ₄₅Ekrone le metse ya teng le metsana ya yona, ₄₆ho tloha Ekrone ho isa lewatleng, naha yohle e pela Ashdode, le metsana ya yona; ₄₇Ashdode, le metse ya teng le metsana ya yona; Gasa le metse ya teng le metsana ya yona, ho isa molapong wa Egepeta le Lewatleng le Leholo, lebopong la lona.

₄₈Dithabeng, ke Shamire, Jatthire, Soko; ₄₉Danna, Kiryathe-Sanna, e leng Debire; ₅₀Anabe, Eshthemo, le Anime; ₅₁Goshene, Holone, le Gilo; ke metse e leshome le motso o mong, le metsana ya yona. ₅₂Arabe, Duma, Esheane, ₅₃Janume, Bethe-Tappua, le Afeka; ₅₄Humta, Kiryath-Arba, e leng Hebrone, le Tsiore: ke metse e robileng mono o le mong le metsana ya yona. ₅₅Maone, Karmele, Sife, Juta; ₅₆Jisreele, Jokdeame, Sanoa, ₅₇Kaine, Gibea, le Thimna: ke metse e leshome le metsana ya yona. ₅₈Halhule, Bethe-Tsure, Gedore; ₅₉Maarathe, le Beth-Anothe, le Elthekone: ke metse e tsheletseng le metsana ya yona. ₆₀Kiryathe-Baale, e leng Kiryathe-Jearime, le Rabba: ke metse e mmedi le metsana ya yona.

₆₁Lefeelleng ke Beth-Araba, Middine, Sekaka, ₆₂Nibshane, Ire-Hammela, le Ene-Gedi: ke metse e tsheletseng le metsana ya yona.

₆₃Haele Bajebuse ba neng ba ahile Jerusalema, bana ba Juda ba sitwa ho ba leleka; Bajebuse ba ahile ke hona le bana ba Juda, Jerusalema, ho fihlela kajeno.