JOBO 25

₁Yaba Bildade wa Shua o fetola, a re: ₂O na le mmuso le boholo bo tshabehang, o tiisa kgotso nqalong tse phahamileng tsa wona. ₃Na makgotla a wona a ka balwa na? Mme ke mang ya sa tjhabelweng ke lesedi la wona? ₄Le jwale, motho a ka loka jwang pela Modimo? Ngwana wa mosadi a ka hlweka jwang na? ₅Ha esita le kgwedi e se ntho e kganyang, le dinaledi di sa hlweka pela mahlo a wona, ₆ho ka ba jwang ka motho eo e leng kokwanyana feela, le ka ngwana wa motho eo e leng seboko!