GENESE 10

₁Ke tsema ditloholo tsa bara ba Nowe: Sema, Kama le Jafeta ba tswala bara kamorao ho morwallo.

₂Bara ba Jafeta ke Gomere, le Magogo, le Madai, le Javane, le Tubale, le Mesheke, le Tirase. ₃Bara ba Gomere ke Ashkenase, le Rifate, le Togarma. ₄Bara ba Javane ke Elisha, le Tarshishe, le Kittime, le Dodanime. ₅Dihlekehleke tsa ditjhaba di ne di arohane ka mafatshe a tsona ke batho bao, mong le mong ka puo ya hae, ka mefuta ya bona, le ka ditjhaba tsa bona.

₆Bara ba Kama ke Kushe, le Mitsraime, le Puthe, le Kanana. ₇Bara ba Kushe ke Saba, le Havila, le Sabta, le Raema, le Sabteka. Bara ba Raema ke Seba, le Dedane.

₈Kushe a tswala Nimrode; ke yena ya qadileng ho ba matla lefatsheng. ₉Ke yena eo e bileng setsomi sa senatla pela Jehova; ke moo ho yeng ho thwe: E ka Nimrode, setsomi sa senatla pela Jehova. ₁₀Qalo ya mmuso wa hae ya eba Babele, le Ereke, le Akkade, le Kalne, fatsheng la Shineare. ₁₁Ha tswa fatsheng leo Assure, mme a haha Ninive, le motse wa Rehobothe, le Kala, ₁₂le Resene pakeng tsa Ninive le Kala: ke wona motse o moholo.

₁₃Mitsraime a tswala Baludime, le Baanamime, le Balehabime, le Banaftuhime, ₁₄le Bapatrusime, le Bakasluhime, bao Bafilesta ba tswileng ho bona, le Bakaftorime.

₁₅Kanana a tswala Sidone, mora wa hae wa matsibolo, le Hethe, ₁₆le Bajebuse, le Baamore, le Bagirgashe, ₁₇le Baheve, le Baarke, le Basine, ₁₈le Baarvade, le Batsemare, le Bahamathe; mme kamorao mefuta ya Bakanana ya saballa. ₁₉Moedi wa Bakanana o ne o qala Sidone, ho leba Gerare ho isa Gasa, mme o leba Sodoma, le Gomorra, le Adama, le Tseboime ho fihlela Lesha. ₂₀Ke bona bao bara ba Kama, ka mefuta ya bona, ka dipuo tsa bona, ka mafatshe a bona, ka ditjhaba tsa bona.

₂₁Ha tswalwa bana le ho yena Sema, ntata bara ba Hebere kaofela, moholwane wa Jafeta. ₂₂Bara ba Sema ke Elame, le Assure, le Arpaksade, le Lude, le Arame.

₂₃Bara ba Arame ke Utse, le Hule, le Getere, le Mashe.

₂₄Arpaksade a tswala Shela, Shela a tswala Hebere. ₂₅Ha tswalwa bara ba babedi ho Hebere; lebitso la e mong e le Pelege, hobane lefatshe le nnile la arohanngwa mehleng ya hae; lebitso la ngwanabo e le Jokthane. ₂₆Jokthane a tswala Almodade, le Shelefe, le Hatsaremavethe, le Jerake, ₂₇le Hadorame, le Usale, le Dikla; ₂₈le Obale, le Abimaele, le Seba; ₂₉le Ofire, le Havila, le Jobabe: bao kaofela ke bara ba Jokthane. ₃₀Ho aha ha bona e ne e le ho tloha Mesha ho isa Sefare, thaba ya Botjhabela. ₃₁Ke bona bao bara ba Sema, ka mefuta ya bona, ka dipuo tsa bona, ka mafatshe a bona, ka ditjhaba tsa bona.

₃₂Ke yona eo mefuta ya bara ba nowe, ka meloko ya bona, le ka ditjhaba tsa bona, mme ditjhaba tse sabaletseng lefatsheng kamora morwallo di tswile ho bona.