I DIKRONIKE 4

₁Bara ba Juda ke Peretse, Hetsrone, Karmi, Hure, le Shobale.

₂Reaia, mora Shobale, a tswala Jahathe; Jahathe a tswala Akumai le Lahade: ke yona meloko ya Batsoreathe.

₃Bao e leng ba Abi-Ethame ke Jisreele, Jishma, le Jidbashe; bitso la kgaitsedi ya bona ke Hatselelponi; ₄hape ke Penuele ntata Gedore, le Esere ntata Husha. Bao ke bara ba Hure, letsibolo la Efrata, ntata Bethlehema.

₅Ashure, ntata Tekowa, o ne a ena le basadi ba babedi, Helea le Naara. ₆Naara a mo tswalla Akussame, Hefere, Themeni, le Ahahashtari: bao ke bara ba Naara. ₇Bara ba Helea ke Tserethe, Tsohare, le Ethnane.

₈Hakotse a tswala Anube, le Hatsobeba, le lesika la Akarhele, mora Harume. ₉Jaebetse yena o ne a hlompheha ho ena le banababo; mme mmae o ne a mo reile lebitso la Jaebetse, ka ho re: Ke mo tswetse ka bohloko. ₁₀Jaebetse a bitsa Modimo wa Iseraele, a re: Oho, o ke o ntlhohonolofatse; o atise naha ya ka; letsoho la hao le nne le be ho nna; hape, ako ntshireletse bobeng, bo tle bo se ke ba nkutlwisa bohloko. Yaba Modimo o mo sitsa ka seo a se kopileng.

₁₁Kelube, ngwanabo Shuha, a tswala Mehire, ntata Eshthone. ₁₂Eshthone a tswala Bethe-Rafa, Pasea, le Thehinna ntata Irnahashe. Bao ke banna ba ha Reka.

₁₃Bara ba Kenase ke Othniele le Seraia; mora wa Othniele ke Hathathe. ₁₄Meonothai a tswala Ofra; mme Seraia a tswala Joabe, ntata Ge-Harashime; bao e ne e le malala.

₁₅Bara ba Kalebe, mora Jefunne, ke Iru, Ela, le Naame, le bara ba Ela, le Kenase.

₁₆Bara ba Jehalleleele ke Sife, Sifa, Thiria, le Asareele.

₁₇Bara ba Esdrase ke Jethere, Merede, Efere, le Jalone; mosadi wa Merede a tswala Miriame, Shammai, le Jishba, ntata Eshthemowa. ₁₈Mosadi wa hae, Jehudija, a tswala Jerede ntata Gedore, le Hebere ntata Soko, le Jekuthiele ntata Sanowa. Bao ba pele ke bara ba Bithia, moradi wa Faro, ya neng a nyetswe ke Merede.

₁₉Bara ba mosadi wa Hodia, kgaitsedi ya Nahame, ke ntata Kehila Mogarme, le Eshthemowa Momaakathe.

₂₀Bara ba Simone ke Amnone, Rinna, Bene-Hanane, le Thilone. Bara ba Jishei ke Sohethe le Bene-Sohethe.

₂₁Bara ba Shela, mora Juda, ke Ere ntata Leka, le Laeda ntata Maresha, le masika a ba neng ba sebetsa masela a lene, e le ba ntlo ya Ashbea, ₂₂le Jokime, le banna ba Koseba, le Joase, le Sarafe, ba kileng ba busa Moabe, le Jashubi-Leheme. Taba tseo ke taba tsa kgale. ₂₃Bao ke dibopi; ba ne ba ahile Netaime le Gedera; ba ne ba aha hammoho le morena, ba tle ba sebetse mosebetsi wa hae.

₂₄Bara ba Simeone ke Nemuele, Jamine, Jeribe, Sera, le Saule; ₂₅le Shallume mora hae, le Mibsame mora hae, le Mishma mora hae. ₂₆Bara ba Mishma ke mora hae Hammuele, le mora hae Sakkure, le mora hae Shimei. ₂₇Shimei yena o ne a na le bara ba leshome le metso e tsheletseng le baradi ba tsheletseng; empa banababo ba ne ba se na bana ba bangata, mme masika a bona ha a ka a ata, jwaloka a bana ba Juda. ₂₈Ba ya haha Beerseba, Molada, Hatsare-Shuale, ₂₉Bilha, Etseme, Tholade, ₃₀Bethuele, Horma Tsiklage. ₃₁Bethe-Markabothe, Hatsare-Susime, Bethe-Birei, le Shaaraime. Ke yona metse ya bona ho ya fihla mehleng ya puso ya Davida. ₃₂Metse ya bona ke Ethame, Aine, Rimmone, Thokene, le Ashane: ke metse e mehlano; ₃₃hape ke metsana ya bona kaofela e neng e kopile metse eo, ho ya fihla Baale. Madulo a bona ke ao le lesika la bona ke leo.

₃₄Haele Meshobabe, Jamleke, Joshua mora Amatsia, ₃₅Joele, Jehu mora Joshibia, mora Seraia, mora Asiele, ₃₆le Elioenai, Jaakoba, Jeshohaia, Asaia, Adiele, Jesimiele, Benaia, ₃₇le Sisa mora Shifei, mora Allone, mora Jedaia, mora Shimri, mora Shemaia, ₃₈bao ha ba thonngwa ka mabitso a bona, e ne e le mahosana melokong ya bona; mme matlo a bontata bona a nna a ata haholo. ₃₉Ba ya fihla pela Gedore, ho ya fihla ka nqa ho le letshehadi ho kgohlo, hore ba batle makgulo a mehlape ya bona. ₄₀Ba fihlela makgulo a nonneng, a molemo, naha ya teng e le sephara e letse, e dutse ka kgotso; ke Bakama ba neng ba ahile teng mehleng ya boholoholo. ₄₁Bao ba tswang ho thonngwa ka mabitso a bona ba ne ba tlile moo mehleng ya Esekiase, morena wa Juda; ba ne ba timeditse ditente tsa bona, le Bameunime, mme ba ba neela anathema; le kajeno ho ntse ho le jwalo; ba aha tulong tsa bona; hobane teng ho ne ho na le makgulo a mehlape ya bona.

₄₂Ba bang ho bona, ba bara ba Simeone, e le banna ba makgolo a mahlano, ba futuhela thaba ya Seire, ba laotswe ke Pelathia, Nearia, Refaia, le Usiele, bara ba Jishei. ₄₃Ba qhala masala a Baamaleke a neng a phonyohile, mme ba aha teng ho fihla tsatsing la kajeno.