Tlhahisoleseding e Nngwe

UTITOSI 1

Ukulotjhisa

₁UPowula ikhoboka lakaZimu nompostoli wakaJesu Krestu, ngebanga lokukholwa kwabakhethiweko bakaZimu nangokwazi iqiniso elimayelana nokwesaba uZimu, ₂ethembeni lepilo engapheliko uZimu ongaleyi amala akuthembisa koke kungakathomi; ₃kwathi ngesikhathi esifaneleko wembula ilizwi lakhe ngokumemezela engaphathiswa khona ngomyalo kaZimu uMsindisi wethu.

₄KuTitosi umntwanami wamambala ngokukholwa esikuhlanganyeleko soke.

Akube kuwe umusa nokuthula okuvela kuZimu uBaba nakuKrestu Jesu uMsindisethu.

Umsebenzi kaTitosi eKrete

₅Ngakutjhiya eKrete ngehloso yokobana uhlele okuseleko ngokufaneleko, ukhethe abaphathi bebandla kiyo yoke imizi, njengombana ngakuyala: ₆kube mumuntu ongasolekiko, onomfazi munye, onabantwana abakholwako nabangasoleki ngobukhohlakali nokungezwa; ₇ngombana umbonisi njengomphathi weendaba zakaZimu kufanele angasoleki, angazigqaji, angapheli ihliziyo, angabi sidakwa, angabi ngosisilwi nomarhamaru; ₈kunalokho kufanele abe ngophatha kuhle abayeni, othanda okulungileko, oziphethe kuhle, oqotho, ohlanzekileko nozikhalimako. ₉Kufanele akakarele aqinise elizwini elithembekileko ngokwefundiso ukuze akwazi ukutjhumayela ngefundiso ehle, ahlule abaphikisana nayo, ₁₀njengombana babanengi abangalaleliko nabakhuluma ilize begodu ababaluthi, khulukhulu labo ekungebokusoka. ₁₁Kufuze bathuliswe ngombana badanisa imindeni ngokufundisa okungakafaneli ngebanga lenzuzo embi. ₁₂Omunye wabo ogade amphorofidi wekhabo wathi:

“AmaKrete anamanga ngaso soke isikhathi,

aziinlwana eziziinkhohlakali,

aziinrhiribedeli ezimavila.”

₁₃Ubufakazobo buliqiniso. Ngebangeli kumele ubakhalime msinyana, khona bazakuba nokukholwa okuthe tjha, ₁₄bangalaleli iinolwana zamaJuda namkha imiyalo yalabo abadela iqiniso. ₁₅Kwabahlanzekileko koke kuhlanzekile, kodwana akukho okuhlanzekileko kwabakhohlakeleko nabangakholwako ngombana iingqondo zabo nemikhumbulwabo vele yonakele. ₁₆Bazitjhaya sengathi bayamazi uZimu kodwana ngezenzo zabo bayamlandula. Bayanyenyisa, abezwa, abakalungeli ukwenza nanyana yini elungileko.

Mehlodi ya Bibele

Mabapi le Bibele (en)

Kakaretso ya Bibele (en)

App ya BibleSA (en)

Dibibele

Mabapi le rona (en)

Lebenkele la Bibele (en)

Bibele Letsatsi Le letsatsi

Mehlodi e meng ya Bibele

Ditaba tsa Bibele

Dipotso tsa Bibele (en)

Merero ya ho bala

Temana ka letsatsi

Mehlodi ya Kereke

Bukana ya Thuto ya Kereke (en)

Kemiso ya Dithero (en)

Moya wa Modimo dipakeng tsa maqephe (en)

Softwere ya tlhahiso (en)

Ditataiso tsa Mosebedisi

Mabapi le BibleSA (en)

FAQ (en)

UTITOSI 1

Ukulotjhisa

Umsebenzi kaTitosi eKrete