KWEBEROMA 11

₁Nje-ke ngiyabuza ngithi: UZimu ulahle abantu bakhe na? Awa, nakanye. Mina ngokwami ngimIsrayeli, isizukulwana saka-Abrahamu, ilunga lekoro kaBhenjamini. ₂UZimu akakalahli abantu bakhe ebekaseze abazi kwaphambilini. Anazi bona umtlolo uthini ngo-Elija na? Angithi wamangalela ama-Israyeli kuZimu ngokuthi:

₃“Somnini, babulele abaphorofidi bakho, bagiriza nama-aldarakho; sekusele mina ngedwa, nje-ke bazumana nepilwami.” ₄Kodwana yathini ipendulo kaZimu kuye na? Angithi yathi: “Ngizibulungele abaziinkulungwana ezilikhomba abangazange bakhothamele uBhali.” ₅Kusesenjalo nanamhlanjesi, kunemisalela ekhethwe ngomusa. ₆Kodwana nakube kungomusa, khona-ke akusese ngenca yemisebenzi, nakungasinjalo umusa awusazokuba mumusa.

₇Alo, sizakuthini na? U-Israyeli wahluleka ukufumana lokho ebegade akufuna. Abakhethiweko bona bakufumana, kodwana inengi lenziwa laba likhuni, ₈njengombana kutloliwe kwathiwa:

₉NoDavida uthi:

₁₁Godu ngabuza ngathi: Bakhutjiwe bebabhusukela phasi na? Awa, nakanye! Kodwana ngokukhutjwa kwabo, ukusindiswa kuze kabatjhili ukuze kuvuselwe u-Israyeli isikhwele. ₁₂Kodwana nakube ukuphambeka kwabo kumnono wephasini, nokuhlulwa kwabo kumnono kabatjhili, uzakuba ngangani-ke umnono ozakulethwa kupheleliswa kwabo!

₁₃Ngikhuluma nani nina abatjhili. Njengombana ngimpostoli wabatjhili nje, ngiyawazisa umsebenzi lo, ₁₄ukuze ngivusele abantu bekhethu isikhwele, ngalokho ngisindise abanye babo. ₁₅Nakube ukulahlwa kwabo kukubuyisana kwabantu bephasi noZimu, kuzokuba yini-ke ukwamukelwa kwabo na? Kghani kuzakuba kuphila kwabafileko na?

₁₆Nakube ingcenye yehlama enikelwe njengesilumo icwengile, khona-ke ihlama yoke icwengile; nakube umrabhu ucwengile, khona-ke neengala zicwengile. ₁₇Kodwana nakube iingala ezithileko bezephuliwe, kwathi wena olihlumela le-oliva yemmangweni, wahlonyelelwa esikhundleni sazo, wahlanganyela emrajini onothileko womuthi we-oliva, ₁₈ungazikhukhumezi eengalenezo. Nakube uyazikhukhumeza, khumbula bonyana akusuwe othwele umrabhu kodwana mrabhu othwele wena.

₁₉Uzakuthi: “Kwaquntwa iingala ukuze kuhlonyelelwe mina.” ₂₀Iye, lokho kuliqiniso. Zaquntwa ngebanga lokungakholwa kwazo, kodwana wena ujame ngebanga lokukholwa kwaphela. Nje-ke ungazikhukhumezi, kodwana jama ngokwesaba. ₂₁Nakube uZimu azange ababalele iingala zemvelo, nawe angeze akubabalela. ₂₂Qalani-ke ukulunga nobukhali bakaZimu: ubukhali bukilabo abawileko, kodwana umusa ukuwe kwaphela nawuragela phambili ngokuphila ekulungeni kwakhe; nakungasinjalo nawe uzakuquntwa. ₂₃Ngitjho nalabo abamaJuda nakube abaphikeleli ekungakholwini kwabo, bazakuhlonyelelwa ngombana uZimu unamandla wokubahlomelela godu. ₂₄Nakube uquntwe kilokho okumumuthi wama-oliva wommango ngemvelo bewahlonyelelwa emthini wama-oliva otjaliweko, ngokuphambene nemvelo, kuzokuba kangangani-ke eengaleni zemvelo lezi nazibuye zihlonyelelwe emthinazo wama-oliva na?

₂₅Angithandi bazalwana bona ningabi nelwazi ngefihlakalo le ukuze ningakhohliseki: ukukhunyalala kwehlele ingcenye ka-Israyeli kufikela lapha isibalo esipheleleko sabatjhili singena khona soke. ₂₆Nje-ke woke u-Israyeli uzokusindiswa njengombana kutloliwe kwathiwa:

₂₈Mayelana nevangeli-ke amaJuda azizitha ngebanga lenu, kodwana ngokokukhethwa, athandiwe ngebanga labobamkhulwawo ₂₉ngombana uZimu nakupha izipho, nalokha nakubizileko, akabuyi akwemuke. ₃₀Njengombana nakhe naba ngabangalaleli uZimu, namukeliswe umusa ngebanga lokungalaleli kwabo, ₃₁nabo-ke babe ngabangalaleliko ukuze nabo bamukeliswe umusa ngebanga lomusa kaZimu kini. ₃₂UZimu uvalele boke abantu ekungalalelini ukuze abe nomusa kibo boke.

₃₃Maye, uzike kangangani umnono wokuhlakanipha kanye nelwazi lakaZimu! Iingwebo zakhe aziphenyeki, neendlela zakhe azilemukeki. ₃₄Njengombana umtlolo ocwengileko uthi: