AMARHUBO 70

₂Zimu, yewungiphephise;

Somnini, ngisize masinyana!

₃Akuthi abazumana nepilwami

bakhene, barhubutjheke bebabaleke;

iye, abangisongelako badane.

₄Labo abathi, “Arha! Arha!”

babuyiselwe emuva ngebanga lokudana kwabo.

₅Kuthi abakufunako bathabe bebathakase;

abathanda isindiswakho ngesikhathi soke bathi:

“Mkhulu uZimu.”

₆Mina ngichakile begodu ngidududu,

yeke, rhaba uze kimi, Zimu.

Wena ulisizo nomhlengami,

nje-ke Somnini, ungariyadi!