Tlhahisoleseding e Nngwe

AMARHUBO 67

₁Kumkhaleli; ngesililiso seenara; irhubo; ingoma.

₂Kwanga uZimu angaba nomusa kithi,

asibusise, asikhanyisele.

₃Kwanga indlelakho ingaziwa ephasini

nesindiswakho kibo boke bezizwe.

₄Kwanga izizwe zingakudumisa Zimu,

iye, boke abantu abadumise wena.

₅Izizwe azithakase, zihlokome

ngombana awukhethi ubuso ekugwebeni

nezizwe uyazihlahla ephasini.

₆Kwanga izizwe zingakudumisa Zimu,

iye, boke abantu abadumise wena.

₇Ihlabathi ithelile iinthelo zayo;

uZimu, iye uZimethu usibusisile.

₈Kwanga uZimu angasibusisa njalonjalo;

ukuze imikhawulo yoke yephasi imesabe.