Tlhahisoleseding e Nngwe

AMARHUBO 3

₁Irhubo lakaDavida lokha nabalekela u-Absalomu indodanakhe.

₂Maye Somnini, izitha zami zinengi!

Banengi abangivukelako,

₃iye, banengi abathi kimi:

“UZimu angeze amsindise.”

Sela

₄Wena Somnini usihlangu mazombe kimi,

ubuyise isithunzi sami,

waphakamisa ihlokwami.

₅Ngilila kuSomnini ngelizwi elikhulu;

yena ungiphendula asentabenakhe ecwengileko.

₆Lokha nangilalako, ngizunywe buthongo;

ngivuka ngombana uSomnini ungisingathile.

₇Amatjhumi aziinkulungwana wamajoni angiwesabi,

iye, lawo angivimbezele nca zoke.

₈Sikima Somnini,

ungisindise, Zimami!

Wawahla zoke izitha zami emhlathini,

wephula namazinyo wabakhohlakeleko.

₉Ukusindiswa kuvela kuSomnini.

Isibusiso sakho asibe phezu kwabantu bakho.