AMARHUBO 28

Ngilila kuwe Somnini, Dwala lami,

ungabi njengesithulu kimi

ngombana nawuthulileko kimi,

ngizakufana nabehlela endaweni yabafileko.

₂Yizwa ilizwi lesibawo sami,

lokha nangilila kuwe Somnini;

iye, lokha nangiphakamisela izandla,

endawenakho ecwenge khulu.

₃Ungangirhurhuli nabakhohlakeleko,

nabababenzi bobumbi,

labo abakhuluma kuhle nabanye abantu,

khisibe babakhohlisi eenhliziyweni.

₄Bavuze njengokwemisebenzabo,

iye, njengobumbi bezenzo zabo;

bakhokhele njengokomphumela wezandla zabo,

ubabuyisele umvuzwabo, obafaneleko.

₅Njengombana banganaki okwenziwa nguSomnini,

namkha umsebenzi wezandla zakhe,

uSomnini uzabadiliza, angasabavusi.

₆Akadunyiswe uSomnini

ngombana uzwile ilizwi lokuncenga kwami.

₇USomnini umamandlami nesihlangu sami,

ihliziywami ithembela kuye;

ngalokho ngisizakele nehliziywami isasile;

nje-ke, ngengomami ngizamdumisa.

₈USomnini umamandla wabantu bakhe,

ulirharha lesindiso kozesiweko wakhe.

₉Somnini, sindisa abantu bakho,

ubusise ilifa lakho;

yiba mumelusabo, ubathwale isiphelani.