AMARHUBO 148

₁Haleluya!

Dumisani uSomnini nina enisezulwini,

nimdumise kweliphezulu!

₂Mdumiseni nina ngilozi zakhe,

iye, mdumiseni noke nina butho lakhe!

₃Mdumiseni nina langa nenyanga,

mdumiseni noke nina nkwekwezi eziphazimako!

₄Mdumiseni nina mazulu aphakamileko,

nani manzi angehla komkayi!

₅Koke lokho akudumise ibizo lakaSomnini,

ngombana wayala kwadaleka.

₆Lokho wakujamisa isiphelani,

wakubekela isimiso esingapheliko.

₇Dumisani uSomnini nina enisephasini,

nina mbandana ezikulu zemanzini,

nani kuzika kwamalwandle,

₈nawe mbani nesinanja,

liqhwa nawe kungu,

nawe mmoya owenza umyalwakhe.

₉Iye, dumisani nina ntaba nemibundu yoke,

nina mithi yeenthelo nemisedari yoke,

₁₀mbandana nawe fuyo yoke,

nrharhabi nani nyoni.

₁₁Dumisani nina makhosi wephasi

nani noke zizwe,

nina nkhulu nani noke babusi benarha,

₁₂nina masokana neentombi,

nani abadala nabancani.

₁₃Koke lokho akudumise ibizo lakaSomnini,

ngombana libizo lakhe lodwa eliphakamileko;

iphazimulwakhe ingehla kwephasi nezulu.

₁₄Uvusele abantu bakhe isithunzi,

idumo kwabathembekileko bakhe boke,

iye, kuma-Israyeli, okubabantu abasehliziywenakhe.

Haleluya!