Tlhahisoleseding e Nngwe

AMARHUBO 129

₁Ingoma yekhambo lokuya ethempelini.

U-Israyeli akatjho lokhu:

Bangisahlela kanengi kwasebutjheni bami

₂iye, bangisahlela kanengi kwasebutjheni bami,

kodwana akhange bangihlule.

₃Abalimi balime emhlanami,

benza imiselabo yaba mide.

₄Kodwana uSomnini ulungile;

uquntile iintambo zeenkhohlakali.

₅Kwanga boke abahloye iZiyoni bangadaniswa,

bakhahlamezelwe emuva.

₆Sengathi bangaba njengotjani ephahleni

obutjhwaba busamila.

₇Umvuni angeze azalisa ngitjho isandla sakhe

nobuthelelako angeze enze isitjherefu ngabo.

₈Abadlulako angeze bathi,

“Isibusiso sakaSomnini asibe phezu kwenu”,

namkha, “Sinibusisa ebizweni lakaSomnini.”