AMARHUBO 113

₁Haleluya!

Nina nceku zakaSomnini, dumisani,

iye, dumisani ibizo lakaSomnini!

₂Alibusiswe ibizo lakaSomnini

kusukela nje bekube nini nanini!

₃Kusukela ekuphumeni kwelanga

bekube sekutjhingeni kwalo

ibizo lakaSomnini kufuze lidunyiswe!

₄USomnini uphakeme ngaphezu kwezizwe zoke

nephazimulwakhe ngaphezu kwamazulu!

₅Ngubani onjengoSomnini uZimethu na?

Yena uhlezi ekuphakameni phezulu,

₆uyakhothama aqale umkayi nephasi.

₇Uvusa abakhwahlileko ebhudwini,

asikimise abatlhogileko ezaleni;

₈abahlalise namakhosana,

iye, namakhosana wabantu bakhe.

₉Unikela inyumba ikhaya,

ayenze unina ojabulileko wabantwana.

Haleluya!