Ukudumisa imisebenzi emangalisako kaZimu
1Haleluya!
Ngizakuthokoza uSomnini ngehliziywami yoke
ebandla labaqotho, iye ehlanganweni.
2Mikhulu imisebenzi kaSomnini,
iphenywa ngibo boke abayijabulelako.
3Umsebenzakhe unokuhlonitjhwa nobukhosi
nokulunga kwakhe kujame isiphelani.
4Iye, uzenzele ibizo ngeemangaliso zakhe.
USomnini unomusa nesirhawu:
5Wabela abamesabako ukudla;
akhumbule isivumelwano sakhe nini nanini;
6atjengise abantu bakhe amandla wemisebenzakhe,
ngokubapha ilifa labezizwe.
7Imisebenzi yezandla zakhe
ithembekile begodu ilungile;
yoke ifundiswakhe iliqiniso.
8Mbala inzinzile nini nanini
ngombana yenziwa ngeqiniso nangobuqotho.
9Wathumela abantu bakhe isihlengo;
wayala isivumelwano sakhe isiphelani.
Ibizo lakhe licwengile beliyesabeka!
10Ukwesaba uSomnini kukuthoma kokuhlakanipha;
kunikela ukuzwisisa okuhle
kibo boke abahlonipha isivumelwaneso.
Idumo lakhe lijame isiphelani!
