AMARHUBO 11

Ngiphephela kuSomnini.

Alo, ningatjho njani kimi nithi,

“Balekela eentabeni njengenyoni,” na?

₂Mbala iinkhohlakali ziqupha umsebe,

zithiya umsubela emsebeni

ukuze ebumnyameni zidumuze abaqotho ngehliziyo!

₃Nakube iinsekelo ziyasitjhulwa,

olungileko angenzani na?

₄USomnini usethempelini lakhe elicwengileko,

USomnini usezulwini esihlalweni sakhe sobukhosi;

amehlwakhe ayaphenyisisa,

ukuqala kwakhe kuqaphela abantu.

₅USomnini uqaphela olungileko nomumbi,

uyamnyenya othanda inturhu.

₆Phezu kwabakhohlakeleko unisa

amalahle avuthako,

umlilo nesibabuli,

iye, isivunguvungu sizakuba sisabelo sabo.

₇Njengombana uSomnini alungile,

uthanda izenzo zokulunga.

Oqotho uzakulemuka ubukhona bakhe.