AMARHUBO 1

₁Ubusisiwe loyo

ongangeni esiqhemeni seenkhohlakali,

ongajami endleleni yezoni

namkha ongahlali esicathaneni sabanyefulako.

₂Kodwana ifundiso kaSomnini ikuthaba kwakhe,

uyihumuza imini nobosuku.

₃Unjengomuthi otjalwe emiseleni:

Uthela ngesikhathi esifaneleko

namakarawo akatjhwabi.

Umuntu onjalo uyaphumelela

kikho koke akwenzako.

₄Iinkhohlakali azisinjalo,

kodwana zinjengomungu ophetjhulwa mumoya.

₅Ngalokho iinkhohlakali azizukujama ebandla

nezoni emkhambathini wabalungileko.

₆Mbala, uSomnini uyelela indlela yabalungileko,

kodwana indlela yeenkhohlakali iyanyelela.