Tlhahisoleseding e Nngwe

UJOTJHUWA 20

Amadorobho wobuphephelo

₁USomnini wakhuluma noJotjhuwa wathi ₂akakhulume nama-Israyeli athi: “Khethani amadorobho wobuphephelo engakhuluma ngawo nani ngoMosi, ₃bonyana umuntu obulele omunye ngephoso angakahlosi, abalekele kiwo. Azakuba yindawo yokuphephela kini nanibalekela umuntu ofuna ukubuyiselela ngeengazi. ₄Umuntu loyo uzakubalekela kelinye lamadorobho lawo afese ajame ebungenweni besango lakhona, ahlathululele abaphathi bedorobhelo indabakhe. Bona-ke bazamngenisa ngedorobheni, bamnikele indawo, ahlale nabo lapho. ₅Nakube umbuyiseleli weengazi uyamlandelela, abaphathi abakameli ukunikela umbulali loyo ezandleni zombuyiseleli ngombana ubulele umuntu womphakathi ngaphandle kwehloso angazange amzonde phambilini. ₆Uzakuhlala ngedorobhenelo bekufike isikhathi sokobana ayokuvela ngaphambi kwebandla. Nakube akakabonwa umlandu uzakuhlala ngedorobhenapho kufikela lapha kuhlongakala khona umphristi omkhulu wangaleso sikhathi. Ngemva kwalokho-ke umbulali loyo angabuyela edorobheni lekhabo aye emzinakhe, okulidorobho abaleka kilo.”

₇Yeke ama-Israyeli ahlukanisela iKhedetjhi eGalile ngeentatjaneni zakwaNafitali, iTjhekemu ngeentatjaneni zakwa-Efrayimu neKhiriyathi-Ariba (okutjho iRhebroni) ngeentatjaneni zakwaJuda. ₈Ngaphetjheya kweJordani ngepumalanga yeJerikho bahlukanisela iBhetseri eserhalawumbeni elisekangala ukusuka ekorweni yakwaRubeni, iRamothi eseGiliyadi ekorweni yakwaGadi neGolana eseBhatjhani ekorweni yakwaManase. ₉Lawo bekumadorobho wobuphephelo abelwe woke ama-Israyeli neenkhonzi eziphakathi kwawo ukuze kuthi nanyana ngubani obulala umuntu ngaphandle kwehloso abalekele kiwo. Umbuyiseleli weengazi akukameli ambulale angakaveli phambi kwebandla.

Mehlodi ya Bibele

Mabapi le Bibele (en)

Kakaretso ya Bibele (en)

App ya BibleSA (en)

Dibibele

Mabapi le rona (en)

Lebenkele la Bibele (en)

Bibele Letsatsi Le letsatsi

Mehlodi e meng ya Bibele

Ditaba tsa Bibele

Dipotso tsa Bibele (en)

Merero ya ho bala

Temana ka letsatsi

Mehlodi ya Kereke

Bukana ya Thuto ya Kereke (en)

Kemiso ya Dithero (en)

Moya wa Modimo dipakeng tsa maqephe (en)

Softwere ya tlhahiso (en)

Ditataiso tsa Mosebedisi

Mabapi le BibleSA (en)

FAQ (en)

UJOTJHUWA 20

Amadorobho wobuphephelo