UHOSIYA 6

“Nambani sibuyele kuSomnini,

Nanyana asirathulile nje,

kodwana uzosipholisa;

nanyana asikhubazile nje,

kodwana uzakubopha amancebethu.

₂Ngemva kwamalanga amabili uzasivuselela,

elangeni lesithathu asibuyisele esigeni,

bonyana siphile ebusweni bakhe.

₃Asimaziseni uSomnini,

asihlabeleni phambili ngokumazisa.

Ngiqinisile ngithi uzaziveza kithi

njengelanga naliphumako;

eze kithi njengezulu lebusika,

nanjengezulu lesilimela elithambisa iphasi.”

“Ngizokwenzani ngawe Efrayimu?

Ngenzeni ngawe Juda?

Ngombana ukwethembeka kwenu kunjengekungu yamasa,

kuthintitheka njengombethe wamasa.

₅Ngikho nginirhayile ngamezwi wabaphorofidi,

nganibulala ngamezwi womlomami.

Isigwebo sami seza phezu kwenu

njengokuhlaba kwelanga

₆ngombana ngilulukela ukwethembeka,

ingasi umhlabelo;

nokwazi ngoZimu kuneminikelo yokutjhiswa.”

“Abantwaba bephule isivumelwano njengebe-Adamu,

azange bathembeke kimi lapho.

₈IGiliyadi mumuzi weenkhohlakali;

ezinamabhadulo aneengazi.

₉Njengewoma lemigulukudu lilalele umuntu,

sinjalo nesigungu sabaphristi:

Sibulala abantu endleleni eya eTjhekemu.

Iye, senza nobugebengu obunyenyisako.

₁₀Ngibone into embi endlini ka-Israyeli:

U-Efrayimu uzinikelele ngobungwadla

begodu u-Israyeli wonakele.

₁₁Nawe-ke Juda, uzakugwetjwa njengamabele.”

“Njalo lokha nangithi ngitjhugulula ubujamo

babantu bami;