Tlhahisoleseding e Nngwe

U-EZRA 1

Umyalo kaKoretjhi wokuvuselelwa kwethempeli eJerusalema

₁Bekungomnyaka wokuthoma wokubusa kwakaKoretjhi ikosi yePheresiya lokha nakuzaliseka ilizwi lakaSomnini elakhulunywa nguJoromiya. Ngesikhatheso uSomnini wavusa ihliziyo kaKoretjhi ikosi yePheresiya bonyana amemezele embusweni wakhe woke begodu akutlole lokho athi: ₂“Nakhu okutjhiwo nguKoretjhi, ikosi yePheresiya: USomnini, uZimu wezulwini, unginikele yoke imibuso yephasi begodu ungiyale bona ngimakhele ithempeli eJerusalema, kwaJuda. ₃Kwanga uZimu angaba nananyana ngubani wabantu bakhe ophakathi kwenu, abuyele eJerusalema kwaJuda, ayokwakha ithempeli lakaSomnini uZimu wakwa-Israyeli, okunguZimu oseJerusalema. ₄Nje-ke, akuthi boke abaseleko babantu bakwaJuda, nanyana kukuphi lapha bakhonze khona, izakhamuzi zendawo leyo zibasize ngesiliva negolide nangepahla nefuyo. Godu azibasize ngeminikelo yesihle abazayinikela bona ibe ngeyethempeli lakaZimu eliseJerusalema.”

₅Iinhloko zemindeni yakwaJuda nezakwaBhenjamini ngokwezindlu zaboyise, abaphristi namaLevi, okutjho boke uZimu avusa ummoyabo, bazilungiselela bonyana bakhuphuke bayokuvuselela ithempeli lakaSomnini eliseJerusalema. ₆Nje-ke, boke abomakhelwana babo babasiza ngezinto zesiliva nezegolide, ngepahla, ngefuyo nangezipho ezikhethekileko, sekungasabalwa yoke iminikelo yesihle eyanikelwako. ₇Ikosi uKoretjhi yakhupha nezitja zethempeli lakaSomnini egade zithuthwe nguNebukadinetsari eJerusalema bewazifaka ngethempelini labozinyana bakhe. ₈UKoretjhi ikosi yePheresiya yazikhupha ngokuyala uMitiredathi, umphathisikhwama, bonyana azibale bese uzinikela uTjhetjhibhatsari ikosana yakwaJuda. ₉Nasi-ke isibalo sezitja:

amatjhumi amathathu wezitja zegolide,

ikulungwana yezitja zesiliva,

amatjhumi amabili nethoba wemikhwa,

₁₀

amatjhumi amathathu wabomakupuru begolide,

amakhulu amane netjhumi labomakupuru besiliva,

ikulungwana yezitja ezinye.

₁₁Sezizoke izitja zegolide nezesiliva beziziinkulungwana ezihlanu namakhulu amane.

UTjhetjhibhatsari wathatha izitjezo wakhuphuka nazo lokha abathunjwa nabaphuma eBhabheli bakhutjhulelwa eJerusalema.

Mehlodi ya Bibele

Mabapi le Bibele (en)

Kakaretso ya Bibele (en)

App ya BibleSA (en)

Dibibele

Mabapi le rona (en)

Lebenkele la Bibele (en)

Bibele Letsatsi Le letsatsi

Mehlodi e meng ya Bibele

Ditaba tsa Bibele

Dipotso tsa Bibele (en)

Merero ya ho bala

Temana ka letsatsi

Mehlodi ya Kereke

Bukana ya Thuto ya Kereke (en)

Kemiso ya Dithero (en)

Moya wa Modimo dipakeng tsa maqephe (en)

Softwere ya tlhahiso (en)

Ditataiso tsa Mosebedisi

Mabapi le BibleSA (en)

FAQ (en)

U-EZRA 1

Umyalo kaKoretjhi wokuvuselelwa kwethempeli eJerusalema