U-EKSODUSI 24

₁USomnini wathi kuMosi: “Yenyukela kimi, wena no-Aroni, uNadabi no-Abihu kanye namatjhumi alikhomba wabanye babaphathi bakwa-Israyeli, kodwana niguqe kudanyana nihlome iinhloko phasi. ₂Nguwe kwaphela Mosi ozakubandamela kimi, kodwana abaphathi bangabandameli. Kungabi nabanye abantu abenyuka nawe.”

₃UMosi wehla wabikela abantu woke amezwi nemithetho kaSomnini. Abantu baphendula boke ngalizwi linye bathi: “Woke amezwi akhulunywe nguSomnini sizawaphetha.”

₄UMosi watlola woke amezwi kaSomnini. Wavuka ngovivi wakha i-aldari enzasi kwentaba, wajamisa namatje wesikhumbuzo alitjhumi nambili agade ajamele iinkoro ezilitjhumi nambili zakwa-Israyeli. ₅Wayala amasokana wama-Israyeli kobana enzele uSomnini imihlabelo yokutjhiswa neyetjhebiswano ngeenkunzi. ₆UMosi wathatha ingcenye yeengazi wayifaka ezitjeni, kwathi ingcenye enye wayifafaza e-aldarini. ₇Wathatha incwadi yesivumelwano, wayifundela abantu. Bona bathi: “Koke okukhulunywe nguSomnini sizokwenza begodu sizokulalela.”

₈Nje-ke uMosi wathatha iingazi wafafaza abantu ngazo wathi: “Qalani, lezi ziingazi zesivumelwano uSomnini asenze nani ngokuya ngawo woke amezwi la.”

₉Emva kwalokho uMosi no-Aroni, uNadabi no-Abihu kanye namatjhumi alikhomba wabanye babaphathi bakwa-Israyeli benyukela entabeni, ₁₀bafika babona lapha kujame khona uZimu wakwa-Israyeli: Ngaphasi kweenyawo zakhe gade kunokungathi yindlela egangadwe ngelitje lesafaya, isuleke inga mkayi ngokwawo. ₁₁Nanyana iinkhulu zama-Israyelezi zabona uZimu, azange azenze litho. Bagoma bebasela.

₁₂USomnini wathi kuMosi: “Khuphukela kimi entabeni, ulinde khonapho; ngizokunikela imiqebethu enomthetho nemiyalo engiyitlolele bona ngifundise ama-Israyeli ngayo.”

₁₃Yeke uMosi wazilungiselela ukukhuphuka nencekwakhe uJotjhuwa bona baye entabeni kaZimu. ₁₄Wathi ebaphathini: “Silindelani lapha besibuye. Qalani nango u-Aroni noRhuri phakathi kwenu, nanyana ngubani onomraro akaye kibo.”

₁₅Yeke uMosi wakhuphukela entabeni, ilifu lagubuzesa intaba. ₁₆Iphazimulo kaSomnini yembatha intaba yeSinayi yasibekelwa lilifu amalanga asithandathu, kwathi elangeni lekhomba uZimu wabiza uMosi phakathi kwelifu. ₁₇Kuthe lokha ama-Israyeli nabona iphazimulo kaSomnini egade injengomlilo oqothulako phezu kwesiqongolo sentaba ₁₈uMosi wangena elifini, wakhuphukela entabeni. UMosi waba sentabeni amalanga amatjhumi amane nobusuku bakhona.