Tlhahisoleseding e Nngwe

UDUTERONOMI 10

₁Ngesikhatheso uSomnini wathi kimi: “Baza imiqebethu emibili ifane neyokuthoma ukhuphukele kimi entabeni bese wenze umfaji weengodo. ₂Ngizotlola kiyo amezwi agade akeyokuthoma owayephulako bese uyifaka ngemfajini.”

₃Yeke ngenza umfaji ngeengodo zomtholo, ngabaza imiqebethu emibili njengeyokuthoma, ngakhuphukela entabeni ngiphethe imiqebethu emibili leyo. ₄USomnini watlola emiqebethwinapho njengekuthomeni: imithetho elitjhumi akhuluma ngayo kini entabeni aphakathi komlilo ngelanga lomhlangano, wanginikela yona. ₅Ngasuka entabeni ngehlela phasi, ngabeka imiqebethu ngemfajini engangiwenzile, naso-ke imiqebethu leyo njengombana uSomnini angiyala.

₆(Ama-Israyeli gade afuduke emithonjeni yeBheni-Jakhani aya eMosera. U-Aroni wahlongakala bewabulungelwa lapho. Indodanakhe u-Elazara yalotjha njengomphristi esikhundleni sakhe. ₇Ekufudukeni kwama-Israyeli lapho, anqomba eGudigoda, asuka eGudigoda aya eJothibata inarha enemilanjana. ₈Ngesikhatheso uSomnini wahlukanisela ikoro yakwaLevi kobana ithwale umfaji wesivumelwano sakhe nokobana ibe ziinceku zakhe ukuze ilotjhe uSomnini beyibusise ebizweni lakhe njengombana kunjalo nanamhlanje. ₉Ngalokho amaLevi akanasabelo namkha ilifa kubafowawo, ilifa lawo nguSomnini njengombana uSomnini atjho njalo kiwo.)

₁₀Ngahlala entabeni njengekuthomeni, kwaba malanga amatjhumi amane nobusuku bakhona. Nalapha uSomnini wangilalela, wangathanda ukunirhayila. ₁₁Nje-ke uSomnini wathi kimi: “Sikima uthathe ikhambo lakho urhole abantu ukuze bangene bathumbe inarha engayifungela kiboyihlomkhulu kobana ngizabanikela yona.”

Umyalo wokuthanda nokulalela uSomnini

₁₂Alo-ke wena Israyeli, yini efunwa nguSomnini uZimakho ngaphandle kobana wesabe uSomnini uZimakho, ukhambe eendleleni zakhe zoke, uthembeke kuye, umlotjhe ngehliziywakho yoke nangomphefumulwakho woke, ₁₃ugcine imiyalo neemiso zakaSomnini engikuyala ngazo namhlanje kobana izinto zikukhambele kuhle. ₁₄Nanyana izulu, iye izulu lamazulu lingelakaSomnini uZimenu nephasi nakho koke okukilo ₁₅khonapho uSomnini bekasoloko abeke ihliziywakhe kiboyihlomkhulu bewakhetha iinzukulwana zabo, okutjho nina, phakathi kwezizwe zoke njengombana kunjalo namhlanje. ₁₆Ngalokho sokani amajwabu weenhliziyo zenu, ningasabi nekani. ₁₇USomnini uZimenu unguZimu ongaphezu kwabozinyana, yiKosi yamakhosi, uZimu omkhulu, onamandla nosabekako, ongenzi izinto ngokukhetha ibala nongafunjathiswako. ₁₈Iye, uSomnini ujamela intandani nomhlolokazi, uthanda isikhonzi, ubapha ukugoma nokokwembatha. ₁₉Ngalokho thandani isikhonzi ngombana nani gade niziinkhonzi enarheni yeGibhide. ₂₀Nesabe uSomnini uZimenu, nimlotjhe beninamathele kuye, nifunge ngebizo lakhe. ₂₁Uyindumiswenu, unguZimenu onenzele izinto ezikulu nezethusakwezo enizibone ngamehlwenu. ₂₂Aboyihlomkhulu behlela eGibhide bamatjhumi alikhomba wabantu. Nje-ke gadesi uSomnini uZimenu unenze naba banengi njengeenkwekwezi zomkayi.

Mehlodi ya Bibele

Mabapi le Bibele (en)

Kakaretso ya Bibele (en)

App ya BibleSA (en)

Dibibele

Mabapi le rona (en)

Lebenkele la Bibele (en)

Bibele Letsatsi Le letsatsi

Mehlodi e meng ya Bibele

Ditaba tsa Bibele

Dipotso tsa Bibele (en)

Merero ya ho bala

Temana ka letsatsi

Mehlodi ya Kereke

Bukana ya Thuto ya Kereke (en)

Kemiso ya Dithero (en)

Moya wa Modimo dipakeng tsa maqephe (en)

Softwere ya tlhahiso (en)

Ditataiso tsa Mosebedisi

Mabapi le BibleSA (en)

FAQ (en)

UDUTERONOMI 10

Umyalo wokuthanda nokulalela uSomnini