Tlhahisoleseding e Nngwe

IZENZO ZABAPOSTOLI 6

Ukukhethwa kwabasizi abalikhomba

₁Kwathi lokha inani labafundi nalisiya lisanda, kwaba khona ukukhalala hlangana namaJuda akhuluma isiGirigi ngamaJuda akhuluma isiHebheru ngombana athi abahlolokazi bawo abatjhejwa ekwabelweni kwangamalanga. ₂Abapostoli abalitjhumi nambili babiza soke isiqubuthu sabafundi bathi: “Akukalungi bona singatjhiya ilizwi lakaZimu ngebanga lokwabela ukudla. ₃Alo-ke bafowethu, khethani hlangana nani amadoda alikhomba okwaziwa bona azele uMoya oCwengileko nobuhlakani, siwabeke bona ibe ngiwo aqala umsebenzi lo. ₄Thina ngokwethu sizakunikela soke isikhathi sethu ekuthandazeni nemsebenzini wokutjhumayela.”

₅Ilizwi leli lanelisa woke umphakathi. Yeke, bakhetha uStefani, indoda egade izele uMoya oCwengileko nokukholwa, uFlebhe, uProrhoro, uNikanori, uTimoni, uPharimenasi noNikolawu ovela e-Anthiyorhiya owatjhugululelwa ebuJudeni. ₆Babajamisa phambi kwabapostoli; abapostoli bathandaza bababeka izandla.

₇Njalo-ke ilizwi lakaZimu laya lirhatjheka lisanda. Inani labafundi eJerusalema landa nenani elinengi labaphristi lamukela ukukholwa.

Ukubotjhwa kwakaStefani

₈UStefani, azele umusa namandla, wenza iimbonakaliso neemangaliso ezikulu hlangana nabantu. ₉Kodwana amanye wamalunga wesinagogi elaziwa bona ngelabaTjhaphulukileko, asikima athoma ukuphikisana noStefani. BekumaJuda avela eSirene ne-Alekzandriya. Wona asekelwa ngamanye avela eSilisiya ne-Asiya. ₁₀Kodwana azange akghone ukujamelana nokuhlakanipha kwakhe namkha uMoya oCwengileko agade akhuluma ngaye. ₁₁Nje-ke bahlohlozela amadoda athileko ngasese bona athi: “Simzwile ahlambalaza uMosi noZimu!” ₁₂Ngalokho baphehla abantu, abaphathi nabafundisi bomthetho, balunga kuye, bambamba, bamusa esigungwini sabarholi bamaJuda. ₁₃Bahlela abofakazi bamanga abamrhwayela bathi: “Indoda le, ayilisi ukuhlambalaza indawo ecwengileko le nomthetho kaMosi. ₁₄Mbala siyizwe isithi uJesu weNazaretha loyo, uzakurhayila indawo le abe aphendule namasiko uMosi asinikela wona!” ₁₅Boke egade bahlezi esigungwini, bamqalisisa uStefani, babona ubuso bakhe bufana nebengilozi.

Mehlodi ya Bibele

Mabapi le Bibele (en)

Kakaretso ya Bibele (en)

App ya BibleSA (en)

Dibibele

Mabapi le rona (en)

Lebenkele la Bibele (en)

Bibele Letsatsi Le letsatsi

Mehlodi e meng ya Bibele

Ditaba tsa Bibele

Dipotso tsa Bibele (en)

Merero ya ho bala

Temana ka letsatsi

Mehlodi ya Kereke

Bukana ya Thuto ya Kereke (en)

Kemiso ya Dithero (en)

Moya wa Modimo dipakeng tsa maqephe (en)

Softwere ya tlhahiso (en)

Ditataiso tsa Mosebedisi

Mabapi le BibleSA (en)

FAQ (en)

IZENZO ZABAPOSTOLI 6

Ukukhethwa kwabasizi abalikhomba

Ukubotjhwa kwakaStefani