Tlhahisoleseding e Nngwe

2 KWEBETHESALONIKA 2

Onganamthetho

₁Mayelana nokubuya kweKosethu uJesu Krestu nokubuthanela kwethu kiyo, siyanirabhela, bazalwana ₂ningabi msinyana ekudidekeni engqondweni namkha nethuswe nanyana kungaba ngesiphorofido, ngelizwi namkha ngencwadi, kube ngathi ivela kithi, kuthiwe ilanga lokubuya kweKosi selisemnyango. ₃Akungabikho onikhohlisa ngananyana ngayiphi indlela ngombana ilangelo alizukuza ngaphambi kobana kufike ukuhlubuka qangi bekwembulwe emtarini loyo onganamthetho, obekelwe ukubhujiswa. ₄Yena uzokuphikisa abe aziphakamise phezu kwananyana yini ebizwa ngoZimu namkha ekukulotjhwa kwakaZimu ukuze azibeke ethempelini lakaZimu, azibize bona unguZimu.

₅Anisakhumbuli nanginitjela ngezintwezi lokha nangisesenani na? ₆Nje-ke seniyazi bona yini emliyileko ukuze avezwe nasele kufike isikhathi sakhe. ₇Ifihlakalo yonganamthetho sele isebenza, kodwana kwaphela kufikela lapha loyo obambezelako asuswa khona. ₈Ngemva kwalapho-ke, loyo onganamthetho uzakwambulwa, iye, loyo iKosi uJesu ngomphefumulo womlomayo ezamrhayila ekubonakaleni kokuza kwayo. ₉Ukufika konganamthetho kubonakala ekusebenzeni kwakaSathana, osebenzisa woke amandla, amatshwayo, iimangaliso zamala ₁₀kanye nayo yoke imihlobo yekohliso ekhohlakeleko kilabo ababhubhako ngombana bale ukuthanda iqiniso bebasindiswe. ₁₁Ngalokho-ke uZimu ubathumelela ukudurha okunamandla, okubarholela ekukholweni amala ₁₂ukuze balahlwe boke abangazange bakholwe iqiniso, kodwana bathokoziswa ngokungakalungi.

Nikhethelwe isindiso

₁₃Kodwana sifanele sithokoze uZimu njalo ngani bazalwana abathandwa yiKosi ngombana uZimu wakhetha nina njengeenthelo zokuthoma mayelana nokusindiswa ngokucwengiswa nguMoya nangokukholwa eqinisweni. ₁₄Ngesizathweso, wanibiza ngokutjhumayela kwethu ivangeli ukuze nifunyane iphazimulo yeKosethu uJesu Krestu. ₁₅Yeke-ke, bazalwana qinani isibindi, nikakarele eemfundisweni esanifundisa zona, kungaba ngelizwi lomlomethu namkha ngencwadethu.

₁₆Sengathi iKosethu uJesu Krestu ngokwayo noZimu uBaba wethu owasithandako bewathi ngesisa sakhe wasipha ukududuzeka okungapheliko kanye nethemba elihle, ₁₇ingaduduza iinhliziyo zenu beyiziqinise ngawo woke umsebenzi omuhle kanye nangelizwi.

Mehlodi ya Bibele

Mabapi le Bibele (en)

Kakaretso ya Bibele (en)

App ya BibleSA (en)

Dibibele

Mabapi le rona (en)

Lebenkele la Bibele (en)

Bibele Letsatsi Le letsatsi

Mehlodi e meng ya Bibele

Ditaba tsa Bibele

Dipotso tsa Bibele (en)

Merero ya ho bala

Temana ka letsatsi

Mehlodi ya Kereke

Bukana ya Thuto ya Kereke (en)

Kemiso ya Dithero (en)

Moya wa Modimo dipakeng tsa maqephe (en)

Softwere ya tlhahiso (en)

Ditataiso tsa Mosebedisi

Mabapi le BibleSA (en)

FAQ (en)

2 KWEBETHESALONIKA 2

Onganamthetho

Nikhethelwe isindiso