Tlhahisoleseding e Nngwe

2 KWEBEKORINTE 9

Umnikelo malungana namaKrestu weJerusalema

₁Akutlhogeki bona ngingabe nginitlolele mayelana nomnikelo omalungana nabacwengileko ₂ngombana ngiyakwazi ukutjhisekela kwenu engizikhakhazisa ngakho ngani ebantwini beMasedoniya ngisithi, i-Arhaya lazilungiselela kwanyakenye. Ngalokho ukutjhisekela kwenu kudlhudlhe abanengi. ₃Nje-ke ngithumela abazalwana kini ukuze ukuzikhakhazisa kwethu ngani kungabonakali kulilize. Kufanele nilunge njengombana bengithe sele nazilungiselela kade. ₄Nakungasinjalo nange kungenzeka bona amaMasedoniya akhambe nami, afunyane bona anikalungisi, sizakuhlatjwa ziinhloni besivaleke imilomo ngani emsebenzini lo. ₅Kungakho ngibone kuqakathekile ukuncenga abazalwana kobana bakhambe ngaphambi kwenu, bayokuje balungiselela ngaphambili, isipho esikhulu enathembisa ngaso ukuze sihlale silungile njengesipho enisikhuphe ngokuthanda kwenu ingasi ngokugandelelwa.

₆Khumbulani lokhu: “Loyo otjala ngokunconcosela, uzokuvuna okunconcoselweko, naloyo otjala okunengi uzakuvuna okunengi.” ₇Ngiloyo naloyo akanikele njengokuzibekela kwakhe ehliziyweni yakhe, kungabi ngokutsitsila namkha ngokugandelelwa ngombana uZimu uyamthanda loyo onikela ngethabo. ₈UZimu unamandla wokwenza bona woke umusa wande kini ukuze kikho koke ngeenkhathi zoke, nasele ninakho koke enikudingako, nande ngayo yoke imisebenzi emihle ₉njengombana kutloliwe kwathiwa:

“Wahlakaza ngokunabileko,

wabela abachakileko.

Ukulunga kwakhe kujame isiphelani.”

₁₀Loyo opha umtjali imbewu kanye nesikwa njengokudla, uzonibonelela abe andise nesilulu sembewenu, akhulise isivuno sokulunga kwenu. ₁₁Nizakwenziwa abanjingileko ngazo zoke iindlela ukuze niphane ngeenkhathi zoke bese kuthi ngathi, ukuphana kwenu kube kuthokoza uZimu. ₁₂Umsebenzi eniwenzako lo, awuphakeli iindingo zabantu bakaZimu nje kwaphela, kodwana uphuphuma iindlela ezinengi ezahlukeneko zokuletha ukuthokoza kuZimu. ₁₃Ngebanga lomsebenzi enizibonakalise ngawo lo, abantu bazakudumisa uZimu ngokuzithoba okukhambisana nokutjhumayela kwenu ivangeli lakaKrestu kanye nomusa wenu omkhulu ekwabelaneni nabo kanye nabantu boke. ₁₄Nabanithandazelako, iinhliziyo zabo zizakunamathela kini ngebanga lomusa omkhulu uZimu aniphe wona. ₁₅Akathokozwe uZimu ngesipho sakhe esingahlathululekiko!

Mehlodi ya Bibele

Mabapi le Bibele (en)

Kakaretso ya Bibele (en)

App ya BibleSA (en)

Dibibele

Mabapi le rona (en)

Lebenkele la Bibele (en)

Bibele Letsatsi Le letsatsi

Mehlodi e meng ya Bibele

Ditaba tsa Bibele

Dipotso tsa Bibele (en)

Merero ya ho bala

Temana ka letsatsi

Mehlodi ya Kereke

Bukana ya Thuto ya Kereke (en)

Kemiso ya Dithero (en)

Moya wa Modimo dipakeng tsa maqephe (en)

Softwere ya tlhahiso (en)

Ditataiso tsa Mosebedisi

Mabapi le BibleSA (en)

FAQ (en)

2 KWEBEKORINTE 9

Umnikelo malungana namaKrestu weJerusalema