Tlhahisoleseding e Nngwe

1 KWEBETHESALONIKA 4

Ipilo ethokozisa uZimu

₁Kokugcina bazalwana, siyanibawa besiyanikhuthaza eKosini uJesu kobana njengombana nafunda kithi bona nifanele niziphathe njani ukuze nithokozise uZimu, njengombana vele nisenza; vamani ukwenza njalo imihla ngemihla. ₂Niyayazi imiyalo esaninikela yona ngeKosi uJesu. ₃Lokho kuyintando kaZimu, ukucwengiswa kwenu: khambelani kude nobufebe; ₄omunye nomunye wenu akwazi ukulawula umzimbakhe, kube ngokucwenga nangokuhlonipha, ₅kungabi ngokokutjha ngeenkanuko njengabatjhili abangamaziko uZimu. ₆Akungabikho owona namkha ocaphaza umfowabo ngokuthileko ngombana iKosi imbuyiseleli wakho koke lokhu njengombana sikhe sanitjela phambilini besaniyelelisa. ₇UZimu akakasibizeli ekusilaphaleni, kwaphela ufuna bona sibe msulwa. ₈Nje-ke nanyana ngubani owala lokhu akali umthetho womuntu kodwana wala uZimu, onguye oninikela uMoyakhe oCwengileko.

₉Nje-ke malungana nethando labazalwana anidingi bona kube khona onitlolelako ngombana nina ngokwenu senifundiswe nguZimu ukuthandana. ₁₀Eqinisweni, niyabathanda boke abazalwana kilo loke leMasedoniya. Kodwana siyanikhuthaza bathandekako bonyana nivame ukwenza njalo. ₁₁Zikhuthazeni ukuphila ngokuthula, nitjheje iindaba eziqalene nani, nisebenze ngezandla zenu njengombana saniyala ₁₂ukuze niziphathe kuhle kabatjhili, ningazesami ngabanye abantu.

Ukubuya kweKosi

₁₃Yeke bazalwana asithandi bonyana ningabi nelwazi mayelana nalabo abahlongakeleko ukuze ningalili njengombana kwenza abanganathemba. ₁₄Njengombana sikholwa bona uJesu wahlongakala wabuye wavuka, ngokunjalo-ke, ngoJesu, uZimu uzokuletha kanye naye labo abahlongakeleko.

₁₅Sinitjela lokhu ngelizwi leKosi kobana thina esiphilako, esiseleko bekubuye iKosi, angeze sabandulela nakanye abahlongakeleko. ₁₆IKosi ngokwayo izokwehla ivela ezulwini ngelizwi elikhulu, ngephimbo lengilozi ekulu nangokuzwakala kweporompita kaZimu, abahlongakalele kuKrestu bazokuvuka qangi. ₁₇Yeke thina-ke esisaphilako, esiseleko, sizokuhlwithelwa emafini kanye nabo sihlangabeze iKosi emkayini, nje-ke sizabe sineKosi isiphelani. ₁₈Ngalokho-ke khuthazanani ngamezwi la.

Mehlodi ya Bibele

Mabapi le Bibele (en)

Kakaretso ya Bibele (en)

App ya BibleSA (en)

Dibibele

Mabapi le rona (en)

Lebenkele la Bibele (en)

Bibele Letsatsi Le letsatsi

Mehlodi e meng ya Bibele

Ditaba tsa Bibele

Dipotso tsa Bibele (en)

Merero ya ho bala

Temana ka letsatsi

Mehlodi ya Kereke

Bukana ya Thuto ya Kereke (en)

Kemiso ya Dithero (en)

Moya wa Modimo dipakeng tsa maqephe (en)

Softwere ya tlhahiso (en)

Ditataiso tsa Mosebedisi

Mabapi le BibleSA (en)

FAQ (en)

1 KWEBETHESALONIKA 4

Ipilo ethokozisa uZimu

Ukubuya kweKosi