Tlhahisoleseding e Nngwe

1 KWEBEKORINTE 8

Ukudla okuhlatjelwe abosingazimu

₁Malungana nokudla okuhlatjelwe abosingazimu: Siyazi bona soke sinelwazi. Ilwazi liyakhukhumeza, kodwana ithando liyakha. ₂Umuntu odlumbana bona kukhona akwaziko, akakabukwazi ngombana usafanele azi. ₃Kodwana umuntu othanda uZimu waziwa nguZimu.

₄Nje-ke, malungana nokugoma ukudla okuhlatjelwe abosingazimu: Siyazi bona usingazimu akasililitho ephasini nokobana akekho omunye uZimu ngaphandle kwaloyo oyedwa. ₅Ngitjho nanyana kuthiwa kukhona okubizwa bona bozimu, nanyana kusezulwini namkha ephasini, (ngambala kunezinto ekuthiwa bozimu abanengi nekuthiwa ziinkosi ezinengi) ₆nokho kithi munye uZimu, uBaba, okuvela kuye zoke izinto begodu nesiphilela yena; yinye kwaphela iKosi, nguJesu Krestu, ngaye okwavela koke okukhona begodu nesiphila ngaye.

₇Kodwana akusibo boke abanelwazi leli. Abanye abantu basangenelele emikhubeni yabosingazimu kangangobana nabagoma ukudla okunjalo badlumbana bona kuhlatjelwe abosingazimu, nje-ke njengobana unembeza wabo abuthakathaka, uyasilaphazeka. ₈Nokho ukudla akusitjhidezi eduze kwakaZimu; asibi bambi nasingagomiko, godu asibi ngabangcono nasigomako.

₉Tjhejani nokho bonyana ikululeko yenu ingabi sikhubekiso kababuthakathaka. ₁₀Ngitjho ngombana nakukhona ononembeza obuthakathaka, okubonako wena onelwazi leli ugoma ethempelini labosingazimu, akazukukhuthazeka bonyana agome lokho okuhlatjelwe abosingazimu na? ₁₁Ngaleyondlela umzalwana obuthakathaka lo, uJesu amfelako, uzakulimala ngebanga lelwazi lakho. ₁₂Lokha nanona kubazalwana benu ngalendlela, nilimaze unembeza wabo, nona kuKrestu. ₁₃Yeke nakube lokho engikugomako kubanga bona umzalwana wami awele esonweni, angeze bengisakugoma ukuze ngingamkhubekisi.

Mehlodi ya Bibele

Mabapi le Bibele (en)

Kakaretso ya Bibele (en)

App ya BibleSA (en)

Dibibele

Mabapi le rona (en)

Lebenkele la Bibele (en)

Bibele Letsatsi Le letsatsi

Mehlodi e meng ya Bibele

Ditaba tsa Bibele

Dipotso tsa Bibele (en)

Merero ya ho bala

Temana ka letsatsi

Mehlodi ya Kereke

Bukana ya Thuto ya Kereke (en)

Kemiso ya Dithero (en)

Moya wa Modimo dipakeng tsa maqephe (en)

Softwere ya tlhahiso (en)

Ditataiso tsa Mosebedisi

Mabapi le BibleSA (en)

FAQ (en)

1 KWEBEKORINTE 8

Ukudla okuhlatjelwe abosingazimu