Tlhahisoleseding e Nngwe

1 KWEBEKORINTE 2

Itjumayelo ngoKrestu obethelweko

₁Lokha nangifika kini bazalwana, azange ngize ngobugagu bokukhuluma namkha ngokuhlakanipha nangimemezela ubufakazi bakaZimu kini ₂ngombana ngaqunta ukungazi ilitho ngaphandle kwakaJesu Krestu, iye, yena abethelwe esiphambanweni. ₃Ngize kini ngobuthakathaka nangokwesaba kanye nangokuqhaqhazela okukhulu. ₄Umlayezwami kanye nokutjhumayela kwami bekungasi ngamezwi wokuhlakanipha nayengako, kodwana bekuveza amandla kaMoya ₅ukuze ukukholwa kwenu kungadzimeleli ekuhlakanipheni kwabantu kodwana emandleni kaZimu.

Ukuhlakanipha okuvela kuMoya

₆Nokho-ke siyawukhuluma umlayezo wokuhlakanipha nasiphakathi kwabakhulileko, kodwana ingasi ukuhlakanipha kwephaseli namkha kwababusi besikhathesi, abazakubhubha baphele. ₇Awa, sikhuluma ukuhlakanipha okufihlakeleko kwakaZimu. Iye, ukuhlakanipha ebekufihliwe nalokho uZimu akubekele iphazimulwethu ngaphambi kokuthoma kwesikhathi. ₈Akakho ebabusini besikhathini lesi okulemukileko lokho ngombana nakube bebakulemukile, bebangekhe babethele iKosi yephazimulo. ₉Kodwana kutloliwe kwathiwa:

“Akunalihlo elakubonako,

akunandlebe eyakuzwako,

akunamkhumbulo owakubambako

lokho uZimu akulungiselele labo abamthandako.”

₁₀Ngalokho uZimu ukwambulile lokho kithi ngoMoyakhe. ₁₁Ngubani hlangana nabantu owazi imikhumbulo yomuntu ngaphandle kommoya womuntu ongaphakathi kwakhe na? Ngokunjalo-ke, akunamuntu owazi imizindlo kaZimu ngaphandle kwakaMoya kaZimu. ₁₂Asikamukeli ummoya wephasi kodwana samukele uMoya obuya kuZimu ukuze sizwisise lokho uZimu asiphe khona ngesihle.

₁₃Ngilokho-ke esikukhulumako, kungasi ngamezwi esiwafundiswe ngokuhlakanipha komuntu kodwana ngamezwi esiwafundiswe nguMoya, sizwakalisa iqiniso ngamezwi kaMoya. ₁₄Umuntu onganaMoya akamukeli izinto ezivela kuMoya kaZimu ngombana zibudlhadlha kuye. Angeze azizwisise ngombana zizwisiswa ngokukaMoya. ₁₅Umuntu kaMoya uhlolisisa koke kodwana yena ngokwakhe akakhambi ngokuhlolwa babantu. ₁₆Ngitjho ngombana umtlolo uthi:

“Ngubani owakhe wazi umkhumbulo kaSomnini

kobana angabe amfundise na?”

Nokho-ke thina sinomkhumbulo kaKrestu.

Mehlodi ya Bibele

Mabapi le Bibele (en)

Kakaretso ya Bibele (en)

App ya BibleSA (en)

Dibibele

Mabapi le rona (en)

Lebenkele la Bibele (en)

Bibele Letsatsi Le letsatsi

Mehlodi e meng ya Bibele

Ditaba tsa Bibele

Dipotso tsa Bibele (en)

Merero ya ho bala

Temana ka letsatsi

Mehlodi ya Kereke

Bukana ya Thuto ya Kereke (en)

Kemiso ya Dithero (en)

Moya wa Modimo dipakeng tsa maqephe (en)

Softwere ya tlhahiso (en)

Ditataiso tsa Mosebedisi

Mabapi le BibleSA (en)

FAQ (en)

1 KWEBEKORINTE 2

Itjumayelo ngoKrestu obethelweko

Ukuhlakanipha okuvela kuMoya