SEFELA SA DIFELA 8

₁Mola o ka be o le kgaetšedi ya ka wa go anywa tswele la mme, nka re mola ke go hwetša kua ntle, ka go atla, ka se ke ka nyadiwa.

₂Nka be ke go hlahla ka go iša kua lapeng la mme, wa nthuta; nna ka go gela morara wo o tswakilwego, le todi ya dienywa tša ka.

₃Tsogo la gago la ntsogošo le nthekgile hlogo, mme le letona la gago le nkgokaretše.

₄Hee lena barwedi ba Jerusalema, ke a le eniša, le se ke la mo phafoša, lerato, le se ke la mo tsoša, a be a tsoge ka noši.

₅Ke mang yola a rotogago lešokeng a ithekga ka moratwa wagwe?

Ke go tsošitše o le tlase ga moremolewa, mo mmago a go belegego ka bohloko, mo motswadi wa go a go belegego ka bohloko.

₆Mpoloke mo pelong ya gago bjalo ka palamonwana, bjalo ka leseka mo tsogong la gago; gobane lerato ke le maatla boka lehu; lehufa ke le thata bjalo ka bodulabahu; mollo wa lona ke wa magala a hlennego, ke mollo wa Morena.

₇Lerato, le meetse a mantši ga a kgone go le tima; le dinoka di ka se ke tša le tšea. Le ge motho a re ke le reka ka thoto yohle ya ngwakong wa gagwe, o tlo nyatšega ruri.

₈Re ne kgaetšedi ya rena ya lethumašana; yena yoo kgaetšedi ya rena, re tlo mo reng mohla woo a lošwago?

₉Ge a ka etša morako, re ka mo tsemela magoro a tshipi e tshehla; ge a ka etša mojako, re ka mo tswalela ka dimati tša morokwana.

₁₀Ge e le nna, ke morako, mabele a ka ke dibo di sa kgonegego. Mme yena o mpona ke le wa go batamelwa ka molao.

₁₁Salomo o be a na le serapa sa merara Baali-Hamoni; a se gafela baletedi; gomme ka o tee ba mo tlela le sekete sa mašeleng a dienywa tša sona.

₁₂Serapa sa ka sa merara, se e lego sa ka, sese pele ga ka. Wena Salomo, sekete sa mašeleng ke sa gago, le makgolo a mabedi a baleti ba dikenyo tša sona.

₁₃Hee wena modulamašemong! Ba geno ba phafogetše ntšu la gago. A nke ke le kwe ge!

₁₄Tšhabeša, wena moratwa wa ka! O etše phalana, namane ya tholo thabeng tša monko wa dinoko.