SEFELA SA DIFELA 2

₁Ke nna letšobana la Sarona, ke lebue la meeding.

₂Moratwa wa ka a le gare ga basetsana, o etša lebue gare ga meetlwa.

₃Moratwa wa ka a le gare ga masogana, o etša moremolewa o le gare ga mehlare ya lešoka. Go dula moriting wa gago go a nkgahla; ganong ga ka go tsefelwa ke seenywa sago.

₄O nkiša bofotlelo bja morara; foka sa gagwe ke ge a nthata.

₅Ntapološeng ka makwapi a morara, le nkalafe ka dienywa, ka ge ke babja ka lerato.

₆A a nthekge hlogo ka le letshadi, le letona la gagwe a le nkgokarele.

₇Hee lena barwedi ba Jerusalema, ke le eniša ka ditshepe le diphala tša nageng, ke re: Lerato le se mo tsoše, le se mo phafoše, a be a tsoge ka noši.

₈Kwang! Moratwa wa ka šoolee! O sela dithaba o taba meboto.

₉Moratwa wa ka o etša phalana, o etša namane ya tholo; šo, o khuta ka morako wa gešo, o ukamela ka lešoba, o nyarela ka sefero.

₁₀Moratwa wa ka o bolela le nna o re: Tsoga, wena moratwa wa go kgahla, o tle hle!

₁₁O ko bone! Marega a fetile; dipula di khudile, di iketše.

₁₂Matšobana a tagile mo nageng; lebaka la dikoša le fihlile; mo nageng ya gešo go kwala mollo wa mokurwa-nyana.

₁₃Mogo o emule, monko wa matšoba a morara o a kwala. Tsoga, moratwa wa ka o nkgahlago, o tle hle!

₁₄Wena leebana la ka lekhutamaribeng, lebobamagageng, a nke ke go bone sefahlogo, ke kwe ntšu la gago; gobane ntšu la gago le monate, fahlogo sa gago se a ratega.

₁₅Re swareleng phukubje; diphukubjana di senyago rapa sa merara, gobane merara ya gešo e palešitše matšobana.

₁₆Moratwa wa ka ke wa ka, mme nna ke wa gagwe, yena mofudiša gare ga mabue.

₁₇Letšatši le tlo ba la huba, meriti e tlo tloga. Hee moratwa wa ka, boa! Hleng o etša tshepe le phalana dithabeng tša mariba!