PSALME ya 9

₁Ke leboga Morena ka pelo ya ka yohle. A nke ke bole mehlolo ya gago ka moka.

₂A nke ke thabe ke go hlalalele, ke opelele Leina la gago, wena Yogodimodimo.

₃Ge manaba a ka a gomile, a kgopilwe a senyega ka mahlo a gago.

₄Gobane o nkemetše mme wa nkahlolela. O dutše sedulong o le moahlodi a sa hlaolego.

₅O kgaiša ba ditšhaba, o fediša ba makgopo; maina a bona o a fedišitšemoka go ya go ile.

₆Manaba a feletše, ke mašegerepe a ka mehla; O thosantše metse, ga ba sa tsebja ke motho.

₇Modula a le gona neng le neng ke Morena; sedulo sa gagwe o se beetše go ahlola.

₈O ahlolela lefase lohle ka go se hlaole, o sekiša batho ka go loka.

₉Morena ke yena sebo sa bahlaki, sebo mohla wa tlalelo.

₁₀Ba ba tsebago leina la gago ba go holofetše, gobane o ka se ke wa lahla ba ba go nyakago, wena Morena.

₁₁Opelelang Morena Modulatsione, le kwatše ditiro tšagwe ditšhabeng.

₁₂Gobane yena molefetšamadi o di gopotše, ga a ka a lebala dikolomelo tša bahumanegi.

₁₃Morena, nna o nkgaugetše; O bone ke hlakišwa ke bahloi, wa nkgomiša dikgorong tša lehu.

₁₄Gore ke hlabe direto tša gago dikgorong tša ngwanenyana wa Tsione, ke hlalale ge o le Mophološi.

₁₅Bantle ba wetše moreong wo ba o epilego; dinao tša bona di tantšwe ka moutlo wo ba o reilego.

₁₆Go lemogilwe gobane Morena o a ahlola, Yena Tharanyababe ka ditiro tša diatla tša bona.

₁₇Bakgopo ba tlo goma, ba ya boyabahu, le bantle ka moka, bagakwa-Modimo.

₁₈Gobane mmotlana a ka se dule a lebetšwe; kholofelo ya modiidi ga e dule e le ya lefela.

₁₉Morena, nanoga! Fediša mahlahlo a batho; ditšhaba ka moka di ahlolelwe o di lebeletše.

₂₀Morena, ba beele mohlapetši, gore bantle ba itemoge, ge le bona e le batho.