PSALME ya 88

₁Morena Modimo Mophološi wa ka! Ke hlaboša lentšu mosegare le bošego ke go lebeletše.

₂Thapelo ya ka a e fihle pele ga gago; mme sello sa ka o se sekegele tsebe.

₃Gobane moya wa ka o tennwe ke mahloko; mme bophelo bja ka bo atama molete wa bahu.

₄Ke šetše ke balwa le bao ba go fologela moleteng; ke etša monna e a feletšwego.

₅Ke lahleetšwe gara bahu, bjalo ka ba ba bolailwego ge ba letše mabitleng, ba o sa ba gopolego. Bona ba tlogelane le seatla sago.

₆O mpeile fasefase moleteng, maswiswing, dikoting.

₇Ke robja ke boima bja kgalefo yago; ke ribegetšwe ke mafula ago ohle.

₈O nkgaoganya le ba ke tsebanago nabo; o ntirile seila sa bona; ke kgonyeletšwe, ga ke sa tšwa.

₉Mahlo a ka a lapile ka go hlaka; Morena ke hlwa ke go bitša, ke iša matsogo go wena.

₁₀A o sa tlo dira tša mehlolo ka ba ba hwilego? A diriti di ka tsoga mme tša go leboga?

₁₁A botho bjago bo sa retwa mabitleng? Therešo ya gago a e sa tlo retwa sekoting sa bahu?

₁₂Matete a gago a a sa tlo tsebja kua swiswing? Go loka ga gago a go sa tlo tsebja gona kua nageng ya tebalo?

₁₃Mme nna ke llela wena Morena; o gahlana le thapelo ya ka e sa le bošego.

₁₄Morena, o reng o lahla moya wa ka? O reng o nkgerula?

₁₅Ke mohlaki; ke wa go hwa go tloga bjaneng; ke robja ke tše o ntšhošago ka tšona ka ba ka gakanega.

₁₆Kgalefo ya gago e nkwetše godimo, o mphetša ka tše šiišago;

₁₇Di ntikologa bjalo ka mafula mehla yohle, di nape di mpoka.

₁₈O nkaroganya le baratwa le bagwera le ba gešo ka leswiswi le.