PSALME ya 84

₁Meago ya gago ga se ka go ratega Morena wa mašaba!

₂Moya wa ka o goletšwe, o hlologetšwe kgoro tša Morena; mme pelo ya ka le mmele wa ka di hlalalela yena Modimo a phelago.

₃Nonyana e bone ngwakwana wa yona; peolane e bone sehlaga sa yona; ke dialetare tšago, Morena wa mašaba, Kgoši ya ka, Modimo wa ka.

₄Ba lehlogonolo ke ba ba dulago mo Ngwakong wa gago, mme ba go reta ka mehla.

₅Ba lehlogonolo ke batho bao o lego maatla a bona, ba eleletša tselatsela.

₆Ba sepela moeding wa diilo, ba o dira wa didiba; le pula ya o atlaletša tšhegofatšo.

₇Ba tsoga ba ne maatla, ba okeletšwa maatla, ba yo bonala go Modimo kua Tsione.

₈Morena Modimo wa mašaba, kwaa thapelo ya ka. Modimo wa Jakobo, ntshekegele tsebe.

₉Modimo, o kotse ya rena! Lebelela o bone sefahlogo sa yo o mmeilego kgoši.

₁₀Gobane letšatši letee re le malapeng a gago, ke lona le lebotse go matšatši a sekete. Go ema mojako Ngwakong wa Modimo wa ka go phala go dula ka ntlong tša bakgopo.

₁₁Morena ke yena letšatši le kotse. Tše di botse le bogolo motho o newa ke yena. Ba sepelago ka go loka a ka se ba hlokiše tše dibotse.

₁₂Morena wa mašaba, e a go botilego ke motho wa lehlogonolo.