PSALME ya 8

₁Morena Mong wa rena! Ina lago le tagile gakakang lefaseng ka moka, wena o ipeetšego borena kua magodimong!

₂O itheetše maatla ka melomo ya bana ba masea, ka baka la ba ba go hloyago, gore o kgaiše manaba le bahloi.

₃Ge ke bona legodimo le la gago, mediro ya meno ya gago, kgwedi le dinaledi tše, o di beilego,

₄ke re motho ke eng, ge o bile o sa mo lebale?

Ngwana wa motho ke eng, ge o bile o mo ela hloko?

₅O mo hlaeditše ka gonyane a se be Modimo; wa mo hlama ka borena le letago;

₆wa mmušiša mediro ya diatla tša gago; tšohle o di bea ka tlase ga dinao tša gagwe.

₇Dinku le dikgomo, ka moka ga tšona, le tšona diphoofolo tša nageng,

₈Le dinonyana tša godimo, le dihlapi tša lewatle, tše di thalakanyago mawatle ka mebila.

₉Morena Mong wa rena! Ina lago le tagile gakakang lefaseng ka moka.