PSALME ya 6

₁Morena, se nkotle o befetšwe; se ntshole o sa galefile.

₂Nkgaugele Morena! Ke fedile maatla. Mphodiše Morena! Mašapo a ka a tšhogile.

₃Pelo ya ka e tšhogile kudu. Morena, gomme wenaa --? Go tlo feletša kae?

₄Boa, Morena, hlakodiša moya wa ka; O mphološe ka ge o le yo botho.

₅Hleng ga go wa go tlo go elelwa ge a hwile; kua bodulabahu o sa tlo retwa ke mang?

₆Ke bile ke lapile ka phegelo tša ka; marobalo a ka ke lala ke a kolobiša; mme dilao tša ka di senyega ka mekgokgo ya ka.

₇Mahlo a ka a gohlometše ka go lla; a rotola ka ge ke atetšwe ke bahloi.

₈Nkgomeleng, lena badirabobe bohle, gobane Morena sello sa ka o se kwile.

₉Morena o nkwile ge ke mo llela; o ntumetše ge ke rapela.

₁₀Manaba a ka ohle a tlo lewa ke dihlong, a tlo tšhoga gagolo, a goma a llwe ke dihlong e sa le semeetseng.