PSALME ya 58

₁Hee lena ba thwe badimo! A le ahlola ka therešo? A le sekiša bana ba batho ka go ya ka go loka?

₂Hleng le dira bokgopo ka boomo! Hleng diatla tša lena di dira tša bošoro mo nageng!

₃Ba babe ke bakgelogi go tloga go tswalweng. Baaketši ba timela go tloga bjaneng.

₄Bogale bja bona ke bohloko bja marabe, bo bjalo ka bja noga ya petla ya sefoa,

₅e sa kwego lentšu la baupi, le ge e ka ba mokomemakgone.

₆Modimo, pšhatla meno ao ka ganong ga bona; wena Morena, kgola meno a dibata tšeo.

₇A ba fele boka meetse ge a nyomelela; e re ge ba nepa, mesebe e kgolege.

₈A ba etše kgohu, ge e tšama e kopela, ba be bjalo ka lefolotšana, ba se bone seetša.

₉Go thwe: Dipitša tša lena ga di kwe mollo wa meetlwa; ya moketla e tukuma le e swago.

₁₀Baloki ba tlo thaba ge ba bona go lefetšwa, ba tlo gata madi a bakgopo ka dinao.

₁₁Mme batho ba tlo re: Mabele go budule a moloki; anthe o gona Modimo molayalefase.